RU

Последние новости

13:14"Барселона" араблардан максимал равишда кўпроқ пул ишлаб олмоқчи  0 12:46"Севилья" "Интер" ярим ҳимоячисини сотиб олмоқчи  0 12:19Тадич ҳам Саудия Арабистонига кўчиб ўтадими? Унда "Ал Қодисия"дан таклиф бор  0 11:55Ўзбекистон футзал терма жамоаси Тошкентда йиғин бошламоқда — Даврон Чориев сафга қайтди   0 11:34МЮ ҳимоячиси "Вест Хэм"га ўтишга яқин турибди  2 11:09Доминикан Республикаси ОТЖ сардори Ўзбекистонга қарши ўйинни ўтказиб юборади  12 10:44Даврон Ҳошимов иккинчи даврани Суперлигада ўтказади  7 10:10«Сурхон» ўтган йилги легионерини ортга қайтарди  5 09:37«Барселона» «отмен»! Нико Уильямс келажаги борасида бир қарорга келди  6 09:05«Бухоро» «Андижон» футболчиси билан шартнома тузди  2 08:32Ўзбекистон ўсмирлар терма жамоаси Япония билан жанговар дуранг ўйнади  5 07:58Испанлар Европани «забт этишди». «Қизил фурия» икки кун ичида иккита «Евро»да ғалаба қозонишди  8 07:26Ўртоқлик учрашуви. «Қўқон-1912» «Сўғдиёна»ни мағлуб этди   1 01:48"Ал Шабаб" "Милан" футболчисини 14 млн евро эвазига харид қилишга тайёр, аммо...  3 01:21"Милан" сардори "Галатасарой"ни рад этди. Турк клуби ҳимоячига "Милан"дагидан кўпроқ маош таклиф қилганди  1

Равшан Ҳайдаров: "Токио Олимпиадаси йўлида стратегия ишлаб чиқдик" Новости

Равшан Ҳайдаров: "Токио Олимпиадаси йўлида стратегия ишлаб чиқдик"

Хабарингиз бор, 14-20 ноябрь кунлари Бирлашган Араб Амирликларида футбол бўйича халқаро «Dubai Cup» мусобақаси ўтказилди.

Ушбу турнирда Ўзбекистон Олимпия терма жамоаси ҳам иштирок этди ва учта ўйин якунига кўра ғолибликни қўлга киритди. Бугун, 24 ноябрь куни Миллий олимпия қўмитасида футбол бўйича Ўзбекистон олимпия терма жамоаси бош мураббийи Равшан Ҳайдаров иштирокида матбуот анжумани ташкил қилинди. Унга ёрдамчи мураббий Шуҳрат Асатов, терма жамоа футболчилари Ҳусниддин Ғофуров ва Азиз Омонов ҳамроҳлик қилди. Тадбирда Миллий олимпия қўмитаси Бош котиби Жасур Матчанов ҳам иштирок этди. Анжуман давомида «Dubai Cup» мусобақаси якунлари, Ўзбекистон Олимпия терма жамоасининг Токио 2020 Олимпиадасига атаб ишлаб чиқилган стратегияси, режалар ва йиғинлар ҳақида маълумот берилди.


Равшан Ҳайдаров:

Олимпия терма жамоаси ҳақида


«Авваламбор шуни қайд этиб ўтишим лозимки, Олимпия терма жамоамиз учун Ўзбекистон Миллий олимпия қўмитаси ва Ўзбекистон футбол ассоциацияси томонидан катта эътибор қаратилмоқда. Токио Олимпиадаси йўлида стратегия ишлаб чиқдик. Шу мақсадда ОТЖ учун турли йиғинлар ташкил этиб келмоқдамиз. Бу борада ишлар аллақачон бошланган. Ўйинчиларни саралаб олиш жараёни ҳозир ҳам давом этмоқда. Таркиб шакллантирилмоқда. Бу бўйича кенг миқёда ишлар олиб бормоқда. Нафақат жисмонан, балки рухий томонлама ҳам ишланмоқда. Терма жамоа учун кучли психологларни ҳам жалб қилганмиз».


«Dubai Cup» мусобақаси ҳақида

«Яқинда Бирлашган Араб Амирликларида якунланган «Dubai Cup» мусобақаси йил давомида қилинган ишлар самарасини кўрсатиб берди. Нуфузли турнир давомида Япония, БАА, Қувайт каби яхши савиядаги терма жамоалар билан ўйинлар ўтказдик. Бундай рақибларга қарши баҳсларда жамоамизнинг кучини кўриб олиш имконияти бўлади. Йиғиндан унумли фойдалана олдик деб ҳисоблайман.

Келгуси режалар


«Тайёргарлик режамиз кунма-кун тузиб чиқилган. Декабрь ойида Тошкентда йиғин бошланади. Унда жисмоний тайёргарлик бўйича иш олиб борилади. Январда эса Туркияда йиғин ташкил қилинади. Словакия ва Озарбайжон терма жамоаларига қарши ўртоқлик учрашуви ҳам режалаштирилмоқда. Февраль ойида эса Европада бўлиб ўтадиган йиғинда иштирок этамиз».


Таркибни шакллантириш масаласида муаммо юзага келмаяптими?

«Олимпия терма жамоасида йиғилган футболчиларимиз орасида U-23 жамоамизда ўйнаган йигитлар ҳам бор ва бу борада уларнинг ўзига хос тажрибалари бор деб бемалол айта оламан. Умуман олганда, селекция ишлари кенг қамровда олиб борилди. Кўплаб футболчиларга имконият берилди. Жамоани шакллантириш узоқ давом этадиган жараён. Ушбу терма жамоамиз учун 165 нафаргача футболчи синаб кўрилди. Уларни жисмоний ва рухий тестлардан ўтказганмиз. Бундан ташқари, клубларимиз мураббийлари билан ҳам мунтазам алоқадамиз».

Равшан Ҳайдаровнинг ОТЖдаги келгуси тақдири қандай бўлади?

«Тўғри, бунгача хориждан мураббий олиб келиниши ҳақида гап-сўзлар бўлди. Бу ҳақида аниқ маълумот бера олмайман. Аммо, айни дамда менга юклатилган аниқ вазифа бор ва уни бажариб келмоқдаман. Бош мураббий ролида ким бўлишидан қатъий назар, бу жараён тўхтаб қолмаслиги лозим. Терма жамоага ким келса ҳам қўлдан келганича ёрдам беришга тайёрман.


Футболчилар «Dubai Cup» турнири ҳақида

Азиз Омонов: «Дубайда ўтказилган халқаро мусобақада кучли жамоалар иштирок этди. Бу турнир орқали биз халқаро ўйин амалиётига эга бўлдик. Ушбу мусобақада жамоамиз яхши шаклланиб келаётганини кўрдик».


Ҳусниддин Ғофуров: «Халқаро мусобақада ғалаба қозона олганимиздан хурсандмиз. Жамоамизда барча бирдек ҳаракат қилмоқда. Бир-бирини қўллаб-қувватламоқда. Олимпия терма жамоаси бир оила сифатида шаклланмоқда. Насиб қилса, бундан буён ҳам қўлдан келганича ҳаракат қилиб, яхши натижаларни кўрсатмоқчимиз».


Эслатиб ўтамиз, Ўзбекистон олимпия терма жамоаси келгуси йилнинг март ойида Тошкентда U-23 Осиё чемпионати саралашида иштирок этади. Ушбу саралаш босқичида муваффақиятли иштирок этган терма жамоалар 2020 йилнинг январь ойида Таиланд мезбонлик қиладиган Осиё чемпионатида қатнашади. Мусобақада кучли учликка кирган терма жамоалар Токиодаги Олимпия ўйинларида иштирок этиш ҳуқуқига эга бўлади.

Рейтинг: +16   

Комментарии

championat.asia
< посмотреть последние новости
Яндекс.Метрика