Равшан Ҳайдаров Ўзбекистон U-19 ёшлар терма жамоаси бош мураббийи этиб тайинланди
24 июн 2014 12:15
Новости

Равшан Ҳайдаров Ўзбекистон U-19 ёшлар терма жамоаси бош мураббийи этиб тайинланди

Ўзбекистон U-19 ёшлар терма жамоаси мураббийлар штабида ўзгариш юз берди.

Шу кунгача, Ўзбекистон Олий Лигаси вакили ҳисобланган Самарқанднинг «Динамо» клубини бошқариб келган Равшан Ҳайдаров Ўзбекистон U-19 терма жамоасининг янги бош мураббийи этиб тайинланди.

Эслатиб ўтамиз, 3 июнь куни Сергей Лушан Ўзбекистон U-19 ёшлар терма жамоаси бош мураббийи вазифасидан озод қилинган эди. ЎФФ Мураббийлар Кенгаши Ўзбекистон U-19 терма жамоасининг янги бош мураббийи сифатида Равшан Ҳайдаров номзодини тасдиқлади. Ҳайдаров ёшлар терма жамоасини шу йилнинг октябрь ойида Мьянмада бўлиб ўтадиган ёшлар ўртасидаги Осиё Чемпионати баҳсларига тайёрлайди.

Маълумот ўрнида, Равшан Ҳайдаров 2002-2004 ва 2005 йилларда Ўзбекистон миллий терма жамоаси бош мураббийи сифатида фаолият олиб борган. Шунингдек Тошкентнинг «Пахтакор», Зарафшоннинг «Қизилқум», Самарқанднинг «Динамо» клубларида бош мураббий сифатида фаолият олиб борган.

Ссылка :

Источник : the-uff.com

Получайте новости прямо в Telegram!

Рейтинг: