Равшан Эрматов Ҳиндистон Суперлигаси ўйинларини бошқариб боради
06 дек 2014 07:53
Новости

Равшан Эрматов Ҳиндистон Суперлигаси ўйинларини бошқариб боради

ФИФА рефериси Равшан Эрматов бошчилигидаги ўзбекистонлик ҳакамлар бригадаси Ҳиндистон Суперлигаси учрашувларини бошқариш учун иккинчи марта таклиф олди.

Ҳиндистон Футбол Федерацияси таклифига кўра Эрматов бригадаси 17-26 декабрь кунлари оралиғида Ҳиндистон Суперлигаси ўйинларини бошқариб боришади. Ушбу баҳсларда Эрматовга қанотларда ФИФА лайнсменлари Абдуҳамидилло Расулов ва Жаҳонгир Саидовлар ёрдам беришади.

Эслатиб ўтамиз, бу Эрматов ва унинг бригадаси учун Ҳиндистон Суперлигасидан иккинчи таклифдир. Бир неча кун олдин бешинчи маротаба Осиёнинг энг яхши ҳаками деб топилган Равшан Эрматов, бунгача 15-25 ноябрь кунлари Ҳиндистон Суперлигаси учрашувларини бошқарган эди.

Ссылка :

Источник : the-uff.com

Получайте новости прямо в Telegram!

Рейтинг: