Расмий хабар: Суннатилла Абдуллажонов - "Турон" футболчиси
22 июл 2021 14:17
Новости

Расмий хабар: Суннатилла Абдуллажонов - "Турон" футболчиси

Айни кунларда пойтахтимиз Тошкент шаҳрида ўқув-йиғин машғулотларини олиб бораётган Игорь Шквирин бош мураббийлигидаги "Турон" клуби сафига яна бир иқтидорли футболчи қўшилди.

Фаолияти давомида "Бунёдкор", "Қизилқум", "Андижон" каби клублар сафида ҳаракат қилган қанот ҳимоячиси Суннатилла Абдуллажонов бугун "Турон" билан расман шартномага имзо чекди.

Маълумот учун, иқтидорли ҳимоячи жорий мавсумнинг биринчи қисмини Тошкентнинг "Бунёдкор" клуби сафида ўтказди ва Coca-Cola Суперлиганинг 8 та учрашувида майдонга тушди.

"Турон" футбол клуби Суннатилла Абдуллажоновнинг жамоадаги фаолиятида муваффақиятлар ёр бўлишини тилайди.