Расмий хабар: "Андижон" ўз етакчиларидан бири билан шартномани узайтирди
25 янв 2024 12:10
Новости

Расмий хабар: "Андижон" ўз етакчиларидан бири билан шартномани узайтирди

2024 йилги мавсумни муносиб ўтказиш ҳамда ўзининг суюкли мухлисларига янада кўпроқ қувончли лаҳзаларни улашиш мақсади устивор бўлган "Андижон" бу борада таркибни шунга мос равишда шакллантириш устида ҳам иш олиб бормоқда.

Нафақат, янги футболчилар билан шартнома имзолаш, балки мавжуд таркибдаги ўйинчилар билан ҳам шартномаларни узайтириш масаласига ҳам алоҳида эътибор қаратилмоқда.

Жумладан, "Андижон"нинг 10-рақам эгаси ҳисобланган ажойиб футболчи Илҳом Абдуғаниев билан амалдаги шартнома шу йилнинг охиригача мўлжалланганди. Янги шартномага кўра эса унинг амал қилиш муддати энди 2025 йил охирига қадар ўз кучида бўлади.

Абдуғаниев ўтган мавсумда 24 та учрашувда майдонга тушганини ёдга олиш даркор. "Бургутлар" шарафини 2021 йилдан буён муносиб ҳимоя қилиб келаётган 10-рақам эгаси жамоа учун бор кучи ва имкониятини ишга солишда давом этишига ишонамиз", - деб ёзади "Андижон" матбуот хизмати.