Расмий хабар: Равшан Эрматов Осиё Кубогининг очилиш учрашувини бошқаради

ОФК қитъа чемпионатининг илк учрашуивга ҳакамларни тайинлади.

Мусобақанинг расмий медиа марказида бизга хабар беришларича Австралия ва Қувайт ўртасидаги ўйинни ФИФА ҳаками Равшан Эрматов бошқариб боради. Унга қанотларда Абдулҳамидилло Расулов ва Баҳодир Қўчқоров ёрдам беришади. Тўртинчи ҳакам сифатида малайзиялик Моҳд Амирул Изван ишлайди. Назоратчи сингапурлик Чиа Энг Ваҳ Жон тайинланган.

Учрашув 9 январь куни маҳаллий вақт билан соат 20:00да Тошкент вақти билан соат 14:00да бошланади. Мельбурн шаҳридаги “AAMI Park” стадионида бўлиб ўтади.

Маълумот учун, 10 январь кунги Ўзбекистон ва КХДР ўртасидаги баҳсга тайинланган ҳакамлар номи ҳам яқин орада эълон қилинади.

Австралия - Қувайт
9 январь. 14:00 (Тошкент). Мельбурн. "AAMI Park" стадиони
Ҳакамлар: Равшан Эрматов, Абдулҳамидилло Расулов (иккиси Ўзбекистон), Баҳодир Қўчқоров (Қирғизистон), Моҳд Амирул Изван, Моҳд Юсри Бин Муҳаммад (иккиси Малайзия)
Назоратчи: Чиа Энг Ваҳ Жон (Сингапур)