"Ёзги трансфер “ойнаси”дан самарали тарзда фойдаланиб, ўз таркибини кучайтиришга ҳаракат қилаётган жамоамиз таркибига тажрибали ҳимоячи Владимир Козак қўшилди.  

Козак 1993 йил, 12 июнда Наманган вилоятининг Тўрақўрғон туманида  туғилган, яъни, яқинда 29 ёшга тўлди.  

Владимир Козакнинг катта футболдаги асосий фаолияти “Пахтакор” билан боғлиқ. Пойтахтликлар  таркибида 2010 йили дебют қилган футболчи 2021 йилги мавсум якунига қадар “шерлар” сафида ўйнади ва “Пахтакор” сафида  кўплаб совринларни қўлга киритди. 

Шунингдек, ҳимоячи ўтган мавсумнинг 1-даврасида АГМК таркибида тўп тепганлигини ҳам таъкидлаш жоиз.

Биз  тажрибали ҳимоячига “Навбаҳор”даги фаолиятида омад ёр бўлиб, “лочинлар”нинг ғалабаларига муносиб ҳиссасини қўшишига тилакдошмиз", -дейилади "Навбаҳор" клуби баёнотида.  

Эшитдик-да! "Навбаҳор" Козакка қизиқмоқда