Расман: "Рома"нинг янги бош мураббийи эълон қилинди, Шомуродов собиқ мураббийи билан ишлайди
14 ноя 2024 21:33
Новости

Расман: "Рома"нинг янги бош мураббийи эълон қилинди, Шомуродов собиқ мураббийи билан ишлайди

Теги : Клаудио Раньери "Рома"Элдор Шомуродов

"Рома" матбуот хизмати Клаудио Раньери жамоа бош мураббийи бўлганини эълон қилди.

73 ёшли мураббий мавсум якунига қадар римликларни бошқаради. Шундан кейин у "Рома"да маслаҳатчи сифатида ишлашни бошлайди. Шунингдек, у навбатдаги бош мураббийнинг аниқланишида ҳам қатнашиши мумкин.

Қайд этиш керак, "Рома" таркибидаги ҳамюртимиз Элдор Шомуродов ўтган мавсумда "Кальяри"да Клаудио Раньери билан бирга ишлаган.

Ушбу мавсумда римликлар А Серияда 12 турдан кейин 13 очко жамғариб, 12-ўринда бормоқда. У ушбу мавсумда Даниэле де Росси ва Иван Юричлардан кейинги учинчи мураббий бўлади.