Расман: "Ньюкасл" илк йирик харидни амалга оширди
07 янв 2022 13:35
Новости

Расман: "Ньюкасл" илк йирик харидни амалга оширди

"Ньюкасл" "Атлетико" ҳимоячиси Киран Триппьернинг трансферини эълон қилди.

Клуб матбуот хизматининг хабарига кўра, англиялик футболчи 2,5 йиллик шартномага имзо чекди. Бу клубнинг саудияликлар қўлига ўтганидан кейинги илк йирик трансфери.

"Мен ушбу ақлбовар қилмас клубга ўтишдан мамнунман. Мен Мадридда ўтган вақтларимдан катта завқ олдим, аммо "Ньюкасл"нинг қизиқишини билгач, бу ерда бўлишни хоҳлаётганимни билдим, сабаби мен Эдди Хау билан олдин ишлаганман", - дейди Триппьер.

Триппьер "Атлетико"га 2019 йилда ўтгунига қадар "Тоттенхэм" ва "Бёрнли" жамоалари сафида тўп тепган.