Расман. Маркус Рэшфорд МЮдан кетди

Бирмингемликлар ҳужумкор футболчини 40 миллион фунтга сотиб олиш ҳуқуқи билан ярим йилга ижарага олди. Ижара вақтида «Астон Вилла» Маркуснинг ойлигини 75 фоизини тўлайди, қолганини МЮ қоплаб беради.

Маълумот учун, 27 ёшли ҳужумчи 12 декабрдан бери «МЮ» сафида майдонга тушмаётганди. Унинг асосий таркибдан четлатилиши манкунианликлар устози Рубен Аморимнинг қарори билан боғлиқ эди.

Рэшфорд бу мавсумда 24 та ўйин ўтказиб, 7 та гол урган ва 2 та голга ассист қайд этган.