Расман: Жоау Мариу собиқ клубига қайтди

“Интер” жамоа ярим ҳимоячиси Жоау Мариуни Лиссабоннинг “Спортинг”ига ижарага берди. Ижара шартномаси 2020/21 йилги мавсум сўнгига қадар амалда бўлади. Трансфернинг молиявий жиҳатлари очиқланмаган.

Ўтган мавсум Мариу ижара асосида Москванинг “Локомотив” клубида ҳаракат қилганди. У “темирйўлчилар” сафида 22 та ўйинда 1 та гол урди ва 6 та голли узатма берди. Эслатиб ўтиш жоиз, Мариу “Интер”га айнан “Спортинг”дан кўчиб ўтганди.