Расман: Ироқ термасига янги бош мураббий тайинланди
10 мая 2025 00:45
Новости

Расман: Ироқ термасига янги бош мураббий тайинланди

Австралия термасининг собиқ бош мураббийи Грэм Арнольд эндиликда Ироқ термасини бошқаради.

2018-2024 йиллар давомида Австралия термасини бошқариб, 68 ўйинда 39 ғалаба 10 дуранг ва 19 мағлубият қайд этган мураббий ўтган йилнинг сентябрь ойида истеъфога чиққанди. Ўшанда унинг Австралияси ўз майдонида Баҳрайнга 0:1 ҳисобида мағлуб бўлган ва Индонезияда 0:0 ҳисобини қайд этганди.

Кеча у Боғдодга етиб борган ва Ироқ ФА билан шартнома имзолаган. Шунингдек, Люк Уилкшир ҳам унинг штабида иш бошлайди.

Арнолднинг термадаги келажаги Ироқ термасининг навбатдаги ўйинларидаги натижаларига боғлиқ бўлади. Жамоа 5 июнь куни Жанубий Кореяни қабул қилса, 10 июнда Иорданияга қарши сафар ўйинини ўтказади. Терманинг ЖЧга чиқиш учун имкониятлари етарлича.

Ссылка :

Источник : instagram.com/iraqnt_en

Получайте новости прямо в Telegram!

Рейтинг: +5