Расман: "Боруссия" Германия термаси ярим ҳимоячиси билан шартнома имзолади
01 авг 2024 15:00
Новости

Расман: "Боруссия" Германия термаси ярим ҳимоячиси билан шартнома имзолади

"Боруссия" учинчи трансферини расмийлаштирди.

Етти йил деганда Паскаль Гросс ватанига қайтмоқда. "Брайтон"нинг 33 ёшли футболчиси Дортмунднинг "Боруссия"си билан шартнома имзолади.

Трансфер суммаси расман эълон қилинмаяпти, лекин Гросс "арилар" билан 2026 йилнинг 30 июнига қадар битим имзолагани маълум. Футболчи яқин кунларда Швейцариянинг Бад Рагац курортида жамоа сафига бориб қўшилади.

Охирги етти йилни Гросс "Брайтон" сафида ўтказди ва клуб либосида 261 ўйинда 32 та гол уриб, 52 та голли узатма етказиб берди.