Расман: Ашурматов "Навбаҳор" бош мураббийи!

 Хусусан, мамлакатимизнинг таниқли мутахассисларидан бири Вадим Абрамовнинг ҳам Наманганда иш бошлаши мумкинлиги ҳақидаги хабарлар тарқалганди.

Лекин, бу каби маълумотларда ҳеч қандай асос йўқ. Шу билан биргаликда, “Навбаҳор” бошқаруви Александр Мочиновнинг қўлига ўтиши борасидаги ҳабарлар ҳам пайдо бўлганди. Мочинов варианти ҳам кўриб чиқилган бўлсада кейинчалик ушбу мураббий номзоди кун тартибидан олиб ташланди.

Клуб раҳбарияти бир қатор мутахассислар олиб борилган музокаралардан кейин Бахтиёр Ашурматов номзодида тўхталишди. Ўтган мавсумда «Гулистон» жамоасини бошқарган мураббий, бу йилги мавсумлар оралиғида «Бунёдкор» клуби мураббийлар штабидан ўрин олганди.

Бундан бироз вақт олдин Ашурматов Наманганга етиб келди. Ҳозиргина, мураббий билан олиб борилган музокаралар ижобий тарзда якунланди. Эндиликда Бахтиёр Ашурматов “Навбаҳор” жамоаси бош мураббийи сифатида иш юритадиган бўлди.

Янги бош мураббий жамоага бир қатор футболчиларни таклиф этишни режалаштирмоқда. Шундай экан, шу кунларда таркибга янги ўйинчилар қўшилишади.