Рашфорд: “Биринчи бўлиб тўп ўтказишни тўхтатишимиз керак”
06 дек 2020 09:35
Новости

Рашфорд: “Биринчи бўлиб тўп ўтказишни тўхтатишимиз керак”

“Манчестер Юнайтед” ҳужумчиси Маркус Рашфорд АПЛ 11-тури доирасида “Вест Хэм” устидан (3:1) устидан қозонилган ғалабадан кейин фикрлари билан ўртоқлашди.

“Биз биринчи бўлиб тўп ўтказиб юборишни тўхтатишимиз керак. Агар дарвозамиз дахлсизлигини сақлай олсак, албатта кўпроқ ўйинларда ғалабага эришишимиз мумкин. Яхшиямки жамоа ирода кўрсатди ва яна ҳисобда ортда боришимизга қарамай ғалабага эриша олдик. Аммо идеал жамоага айланишимиз учун тўп ўтказмаслигими талаб этилади.

Биз ёмон ҳимояланмадик. Рақиб сафида қарши ҳужумларда хавфли ўйин кўрсата оладиган футболчилар бор, аммо биз уларни зарарсизлантира олдик. Танаффус бизга ўзимизга келиб олиш имконини берди.

Кейинги ҳафтада ЕЧЛда бизни катта ўйинлар кутиб турибди. ПСЖга мағлубиятдан кейин навбатдаги баҳсда ғолиб чиқишимиз талаб этилади. Мухлислар қаршисида ўйнаш янада мароқли. Барча мухлисларнинг майдонга қайтганидан хурсанд” дея Рашфорднинг сўзларидан иқтибос келтирмоқда ВВС.

Ссылка :

Источник : ВВС

Получайте новости прямо в Telegram!

Рейтинг: +5