Рангник: “Сити” ва МЮ ўртасидаги фарқ яққол сезилиб қолди”

“Илк таймда яхши ўйнадик, курашдик. 2-бўлимда эса ўтказиб юборилган учинчи голдан кейин жуда қийин ҳолатга тушиб қолдик, бу тўпга эгалик қилишда дунёда етакчи бўлган жамоага қарши ўйинда юз берди. Иккинчи бўлимда рақиблар ўз маҳоратини намойиш этиб, яхшироқ ҳаракат қилишди. Бизга эса қийин бўлди.

“Манчестер Сити” қанчалик зўрлигини ҳамма билади, улар жаҳоннинг энг яхши жамоаларидан бири ҳисобланади. Айни вақт клублар ўртасида фарқ бор ва бу тафовут 2-таймда янада яққол кўзга ташланди”, дейди немис мутахассиси.