Рамирес 35 ёшида футболчилик фаолиятини тугатганини эълон қилди

"Менга имконият бергани ва спортда мумкин бўлган энг юқори поғонага олиб чиққани учун Худога шукр қиламан. Энди бошқа йўлдан юраман, лекин болалигимдан, шаҳримни тарк этиб, дунёни забт этишга кетганимдан бери мен билан бўлиб келаётган қувонч, ўша жасоратни сақлаб қоламан. Ҳаммаси учун раҳмат, футбол!", – деди бразилиялик.

Рамирес "Челси" таркибида АПЛ, Англия Кубоги, Англия Лига Кубоги, Чемпионлар Лигаси ва Европа Лигасида ғолиб чиққани билан танилган. "Бенфика", "Палмейрас" ва бошқа жамоаларда ҳам ўйнаган.