Рафаэль Варан ёзда "Реал"дан кетиши мумкин. Асосий даъвогарлар - ПСЖ ва МЮ
09 фев 2021 13:14
Новости

Рафаэль Варан ёзда "Реал"дан кетиши мумкин. Асосий даъвогарлар - ПСЖ ва МЮ

Мадриднинг "Реал" клуби раҳбарияти 27 ёшли франциялик ҳимоячи Рафаэль Вараннинг шартномани узайтириш борасидаги вазиятидан безовталанмоқда.

Варан сўнгги ўйинларда "Реал" мудофаасида асосий ролни бажарди, аммо "Реал" босслари футболчи билан янги шартнома борасида олдинга силжиш йўқлигидан безовта бўлмоқда.

Эслатиб ўтамиз, Франция терма жамоаси ўйинчисининг "Реал" билан тузган амалдаги шартномаси 2021/22 йилги мавсум сўнггига қадар мўлжалланган.

Агар музокаралар ижобий якун топмаса, "Реал" ёзда ўйинчини сотишга уриниб кўради. Даъвогарлар - ПСЖ ва МЮ. "Қироллик клуби" ўйинчининг сотувидан 71 млн евро ишламоқчи, аммо 50 млндан бошланадиган таклифларни ҳам кўриб чиқади.

Эслатиб ўтамиз, Рафаэль Варан "Реал"га 2011 йилнинг ёзида "Ланс"дан 10 миллион евро эвазига ўтган эди.

Таъкидлаш керакки, ўйинчи "Реал" билан бир қатор совринлар, жумладан 4та ЕЧЛ совринини ютган.

Ссылка :

Источник : football-espana.net

Получайте новости прямо в Telegram!

Рейтинг: -2