Қозоғистон. 24-тур. Гейнрих ва Кападзенинг голлари "Актобе"га ғалаба келтирди

"Иртиш" сафарда "Шахтёр" меҳмони бўлди. ЕЧЛ гуруҳ босқичига чиқишга яқин турган "Шахтёр"га қарши ўйинда дуранг қайд этилди - 1:1. Ушбу ўйинда Улуғбек Бақоев тўлиқ ўйнади. Камолиддин Мурзоев эса жароҳати туфайли майдонга тушмади. 

"Иртиш" 18 очко билан 5-ўринда бормоқда.

ШАХТЕР - ИРТИШ - 1:1 (1:1)
Голлар: Тарасов, 33 (1:0). Бегалин, 37 (1:1).

"Жетису" эса ўз уйида "Тараз"га 0:2 ҳисобида ютқазиб қўйди. Ўйинда майдон эгалари сафида Руслан Мелзиддинов тўлиқ ўйнади. Шавкат Саломов эса майдонга тушгани йўқ. "Жетису" айни пайтда 11 очко билан 11-ўринда бормоқда.

ЖЕТИСУ - ТАРАЗ - 0:2 (0:2)
Голлар: Мехмедович, 2 (0:1). Скорих, 15 (0:2).

Чемпионлик учун курашаётган "Актобе" бугун ўз уйида "Қайрат"ни қабул қилиб 2:0 ҳисобида зафар қучди. Қувонарлиси ҳар иккала голни ҳам ўзбекистонлик футболчилар уришди. 21-дақиқада Александр Гейнрих ҳисобни очган бўлса, 77-дақиқада Темур Кападзе ўйинга нуқта қўйди - 2:0. Гейнрих учрашувда 68 дақиқа ҳаракат қилган бўлса, Кападзе тўлиқ ўйнади. "Актобе" 27 очко билан якка пешқадам бўлиб турибди. Мавсум тугашига эса 8 тур қолди.

АКТОБЕ - ҚАЙРАТ - 2:0 (1:0)
Голлар: Александр Гейнрих, 21 (1:0). Темур Кападзе, 77 (2:0).