Қосимов Милутинович билан учрашди

Куни кеча ҳамкасбларимиз томонидан ҳам шундай хабар тарқатилди. Фурсатдан фойдаланиб вазиятга ойдинлик киритдик.

Ҳақиқатдан ҳам Бора Милутинович Қатарда Миржалол Қосимов билан учрашган.
"У билан дўстона учрашув бўлиб ўтди. Анча йиллардан бери танишмиз", - дейди Миржалол Қўшоқович.

- ЎФФ ҳаракат қилса ва келишувга эришса, ёнингизда шундай тажрибали мутахассис ишлашини истармидингиз?
- Барчамиз иссиқ жонмиз. Мана Инчеонда Шуҳрат Мақсудов жароҳат олганлиги боис оёғига гипс қўйишда ва у ҳозир биз билан эмас. Яхши ҳам-ки, Бахтиёрни ёнимга олганим. Албатта мураббийлар штаби кенгайса бизга яхши. Осиё Кубогига қадар уларнинг сони ошиши мумкин. Шунингдек, жисмоний тайёргарлик бўйича ҳам мураббийга эҳтиёжимиз бор. Айни пайтдаги жисмоний ҳолатимиз жойида.

Афтидан Бора Милутинович ростан ҳам Ўзбекистонга келади. Агар шундай бўлса, бу ЖЧ-2018 йўлида ташланган қадамларнинг энг яхшиси бўлиши мумкин. Бу борада ЎФФга омад тилаймиз.