Қосимов: "Дуранг ҳақли натижа бўлди"
03 мар 17:54
Новости

Қосимов: "Дуранг ҳақли натижа бўлди"

Суперлига 1-тури доирасидаги ОКМК — "Андижон" (0:0) учрашувидан сўнг мезбонлар бош мураббийи Миржалол Қосимов ўйин ҳақида ўз фикрларини билдириб ўтди.

"Ҳаммани мавсум старти билан табриклайман. Ўйинга келсак, курашларга бой баҳс бўлди. Албатта, ҳар бир жамоа ўз олдига ғалаба қозониш вазифасини қўйган.

Ҳақли равишда дуранг қайд этилди деб ўйлайман. Ҳар доим бир ишни бошлаб олиш қийин кечган, кейинги ўйинларда мухлисларимизга ёқадиган чиройли ва мазмунли ўйин кўрсатишга ҳаракат қиламиз. Албатта, бу нарсаларга эришсак натижа ўз-ўзидан келади.

Рубен Санчеснинг ҳолати? У ерда Гадоев ҳам бор, Мирзаев ҳам. Албатта, улар жамоамизга етишмаяпти. Жароҳатдан тикланиш чўзилиб кетди. Шифокорлар ишлашмоқда ва муолажалар олиб бориляпти. Биттаси тикланганда иккинчиси жароҳат олди, бу футбол, бундан ҳеч ким сақлана олмайди. Ўтган йили "Навбаҳор"га қарши 19 ноябрда бўлиб ўтган ярим финал ўйинида [Ўзбекистон кубоги — Championat.Asia]Рубен жароҳат олганди. Унгача эса Гадоев Чемпионлар лигаси ўйинида сафдан чиққанди. Тезроқ тикланиб сафимизга қайтишса хурсанд бўлардик", — деди олмалиқликлар устози.

Ссылка :

Источник : championat.asia

Получайте новости прямо в Telegram!

Рейтинг: +4