"Қўқон-1912"га янги раҳбар тайинланди

Унда Қўқон шаҳар хокими Маъруфжон Азамович Усмонов иштирок этди. Йиғилишда шаҳар хокими сўз олиб шундай деди:

"Қўқон-1912" жамоаси ватанимизнинг энг тарихий жамоаси эканлиги унутмаслигимиз лозим. Қўқонда одамлар футболни яхши кўришади. Жамоанинг натижалари одамларимизнинг кайфиятига ўз таъсирини ўтказади. Шунинг учун ҳурматли мураббий ва футболчиларимиз ўтган мавсумдаги натижани эсдан чиқариб янги мавсумга кўтаринки руҳда тайёргарлик кўриш лозим. Биз бу борада бош мураббий Даврон Файзиевга ишонамиз. Энг аввало, мағлубиятлардан руҳан синмасдан яна қадни баланд кўтариб олдинга қараб, янги мақсадалар сари интилмоқ лозим. Жамоага янги ҳомийлар бириктирилиш масаласи яқин кунларда ҳал бўлади. Биз сизларга қўлимиздан келган барча ёрдамни кўрсатишга тайёрмиз. Ишонаманки, Даврон Файзиев бошчилигида жамоамиз Суперлигага шу йилнинг ўзидақ қайтади. Бу йўлда сизларга куч-қувват, шижоат ва соғлиқ тилайман".

Йиғилишда ташкилий масала ҳам кўриб чиқилди.  Шу кунга қадар жамоа маркетинг ва матбуот хизмати раҳбари, маркетинг бўйича директор лавозимларида фаолият олиб борган Акрамжон Мамадалиев "Қўқон-1912" жамоасининг вице-президенти этиб тайинланди.  

Жамоанинг янги раҳбари шаҳар хокимига билдирилган ишонч учун катта миннатдорчилик билдириб, бу ишончни оқлаш учун тинимсиз меҳнат қилишга тайёр эканлигини маълум қилди ҳамда жамоа аъзолари бир оила бўлиб бирлашган ҳолда олдинга қўйилган мақсад сари олға интилишларини таъкидлаб ўтди.  Йиғилишда жамоа бош мураббийи Даврон Файиев ҳам сўз олди. Бош мураббий шаҳар хокимига ташриф учун раҳмат айтиб, қилинган эътибордан хурсандлигини билдирди ҳамда мана шундай учрашувлар тез-тез бўлиб туриши жамоа аъзоларининг кайфиятини кўтаришини таъкидлаб ўтди.