“Қўқон 1912-W” бош мураббийи: "Ҳозирча камчиликларимиз кўп"
08 сен 2018 20:03
Новости

“Қўқон 1912-W” бош мураббийи: "Ҳозирча камчиликларимиз кўп"

Аёллар футболи. Ўзбекистон чемпионати 20-туридан ўрин олган “Нефтчи-W” - “Қўқон 1912-W” (3:0) учрашувидан сўнг меҳмонлар мураббийи Мирсаид Миролимов “championat.asia” сайтига интервью берди.

Бугун яхши учрашув ўтказдик. Вазиятлардан фойдалана олмаганлигимиз, жамоамиз аъзолари ҳали бир-бирларини тўлиқ тушунмаслиги каби омиллар бугунги мағлубиятни олиб келди деб ўйлайман. Мезбонлар биринчи голни киритишганида жамоамиз аъзоларида бир оз тушкунлик кайфияти кузатилди. Мезбонларга эса гол қўшимча иштиёқ берди шекилли, иккинчи ва учинчи голларни уришди.

Жамоамиз жорий мавсумдан бошлаб ўйнаяпти, ҳали бир талай качиликларимиз, хатоларимиз бор, ҳали бу камчиликлар устида ишлаймиз.

Бу йил футболчи қизларимиз тажриба тўплашяпти, жамоамиз олдига қўйилган вазифалардан бири ҳам шу, келаси мавсумгача рақобатбардош, юқори ўринлар учун курашадиган жамоани шакллантиришдан иборат.

Бекзод Толибов ёзиб олди.