"Қўқон-1912" вице-президенти: "Пахтакор"дан яна бир футболчи олишни режалаштираяпмиз"

"Бугун иккинчи даврага старт берилди, танаффус жуда қисқа бўлди. Одатда бундай паллада футболчиларга бироз қийин бўлади. Бугун очиқ футбол намойиш этдик, рақибдан қўрқиш керак эмаслиги ҳақида айтилганди. Шундай бўлса-да, футболчиларимиз номдор рақибга қарши яхши ўйнашди. “Пахтакор” қандай кучга эга эканлигини ва унинг сафида қандай ижрочилар брлигини барча яхши билади. Майдонга қўрқмасдан ва айни пайтда нимага қодирлигимизни намойиш этиш тушдик. Айни пайтда жамоада Азиз Тўхтабоев бош мураббий вазифасини бажармоқда, аммо бугунги баҳсдан кейинги матбуот анжуманида мен иштирок этишимни сўради.

Трансфер ойнаси ҳали ёпилгани йўқ ва селекция ишлари ҳали давом этади. 5 августгача ҳали вақт бор. Яширадиган ҳеч нима йўқ, "Пахтакор"дан яна бир футболчи олишни режалаштираяпмиз, шунингдек дарвозабон ва ҳужум чизиғи учун футболчилар олиб келмоқчимиз", - дейди Виталий Ни.