"Қўқон-1912": Танишинг: Янги ўйинчимиз Отабек Зокиров
15 янв 2016 18:14
Новости

"Қўқон-1912": Танишинг: Янги ўйинчимиз Отабек Зокиров

Теги : Қўқон-1912 Отабек Зокиров

Мавсум-2015 кашфиётларидан бири сифатида эътироф этилган 23 ёшли ярим ҳимоячи Отабек Зокиров янги мавсумни “Қўқон-1912” жамоаси сафида ўтказади.

Яқинда клуб ва футболчи ўртасида шартнома имзоланди. Айни дамда Зокиров жамоамизнинг Тошкентдаги йиғинида иштирок этмоқда. У кеча “Металлург”га қарши кечган назорат учрашувида майдонга тушди.

Марғилон футбол мактаби тарбияланувчиси саналган Отабек Зокиров 1992 йилнинг 11 октябрь санасида таваллуд топган. Футболчилик фаолиятининг асосий қисмини Фарғонанинг “Нефтчи” жамоасида ўтказган. 2013 йили Ёшлар лигаси тўпурарларидан бирига айланган. 2014 йилдан эътиборан “Нефтчи”нинг асосий таркибида ўйнай бошлаган. 2015 йилни эса Самарқанднинг “Динамо” жамоаси таркибида ўтказди. Ўтган мавсум якунларига кўра, Отабек Зокиров 30 та учрашувда майдонга тушди.

Бу ўйинларда 23 ёшли футболчи рақиблар дарвозасини тўрт марта аниқ нишонга олди. Отабек Зокиров “Қизилқум”, “Нефтчи”, “Сўғдиёна” ва “Андижон” жамоалари посбонларини доғда қолдирган. Икки марта ҳакамлар томонидан огоҳлантирилган.

Ссылка :

Источник : kokand1912.uz

Получайте новости прямо в Telegram!

Рейтинг: +3