Қизиқ! "Кучли-бешлик"даги топ жамоалар янги йилни ғалаба билан бошлай олишмади

Даставвал Англия чемпионатининг 20-турида "Арсенал", "Челси" жамоалари ўз рақибларига мағлуб бўлишган эди. Луи ван Гал бошчилигидаги "Манчестер Юнайтед" эса "Сток Сити" билан, "Ливерпуль" эса "Лестер" билан ўйинда дуранг қайд этди.

Испания чемпионатининг 17-турида "Реал" "Валенсия"га имкониятни бой берган бўлса, "Барселона" "Реал Сосьедад" олдида ожиз қолди.

Италия чемпионати ҳам "сюрприз"ларга бой бўлди. "Милан" кутилмаганда ўз майдонида "Сассуоло"га ютқазиб қўйган бўлса, "Ювентус" ҳамда "Интер" ўртасидаги баҳсда ғолиб номи аниқланмади. 

Шундай қилиб "кучли-бешлик"даги ҳар уччала чемпионатнинг энг номдор жамоалар йилни ғалаба билан бошлай олишмади.

Франция ҳамда Германия чемпионатларида эса ҳозирча кичик танаффус юзага келган ва у ерда ҳали тур ўйинлари бўлиб ўтгани йўқ.