Қизиқ факт. Рўзиқул Бердиев "Нефтчи"га мағлуб бўлмай келмоқда

Рўзиқул Бердиев бошчилигидаги "Насаф" жамоаси Фарғонанинг "Нефтчи" клуби билан жами олти маротаба куч синашди. Шуларнинг бештасида "Насаф" ғалаба қозонган бўлса, битта ўйинда дуранг қайд этилган.

Икки мавсумдан буён (2014, 2015) Рўзиқул Бердиев жамоаси "Нефтчи"ни ҳам сафарда, ҳам уйда мағлуб этиб келмоқда. Бердиев "Насаф"га бошчилик қилаётган кейинги бу жамоаларнинг ўзаро ўйинларидаги тўплар нисбати қуйидагича кўриниш олган: 8:2.

Эслатиб ўтамиз, Рўзиқул Бердиев 2013 йилдан буён "Насаф" бош мураббийи сифатида ишлаб келмоқда.

Шунингдек, Рўзиқул Бердиев 2012 йилда ҳам жамоа рулига ўтирган эди. Бироқ мураббий Олий лиганинг 9-туридан сўнг истеъфога чиққани сабабли, ўша йилдаги "Нефтчи"га қарши баҳсларда Усмон Тошев жамоани бошлаб тушганди. Бердиевнинг истеъфосига сабаб сифатида ўша мавсумдаги ОЧЛда қайд этилган натижа кўрсатилганди. Рўзиқул Бердиев 2012 йилда олий лигада бирорта мағлубиятга учрамасдан истеъфога чиқарилганини таъкидлаб ўтиш лозим.