"Қизилқум" икки трансферга қўл урди

Ўтган мавсумда Қўқон шаҳрининг "Қўқон-1912" жамоасида ҳаракат қилган истеъдодли ҳимоячи Илҳомжон Вахобов "Қизилқум" жамоаси билан 1 йиллик шартнома тузди.

Вахобов 2022 йилги мавсум 17 та ўйинда майдонга тушиб, 1 та гол урган эди.

Ўтган мавсумда  Самарқанднинг "Динамо" жамоаси шарафини ҳимоя қилган истеъдодли ярим ҳимоячи Ойбек Нурматов 2023 йилги мавсумда "Қизилқум" жамоаси таркибида ҳаракат қилади. У 2022 йилги мавсум 24 та баҳсда қатнашиб, 1 та тўп киритди ва 2 та голли пас узатди.