Қирғизистон - Макао: Ўйиндан кейинги матбуот анжумани

Учрашувда мезбонлар 1:0 ҳисобида ғалаба қозонишди.

Макао бош мураббийи Жозеф Тао Лао Сан:

Ўйин ҳақида:
Бугунги ўйин биз учун ҳақиқий чорлов бўлди. Қирғизистон терма жамоаси гуруҳимиз фаворити, улар кучли ўйнашди. Афсуски иккинчи бўлимда концентрацияни йўқотиб қўйдик ва гол ўтказиб қўйдик.

Ўйин давомида вақт чўзишлар ҳақида:
Макао футболчилари вақт чўзгани ҳақидаги гаплар ёлғон. Футболчиларимиз кўплаб жароҳат олишди. Қирғизистон футболчилари жуда интенсив ўйин кўрсатишди.

Қирғизистонинг энг хавфли футболчиси ҳақида:
Бу уларнинг бош мураббийи. Футболчиларни ажратиб ўтирмайман.

Қирғизистонга қарши уйдаги ўйин ҳақида:
Биз ҳар бир баҳсда майдонга тушиб максимал тарзда ўйнаймиз. Уйимизда фақат ғалаба учун ўйнаймиз.

Макао терма жамоаси сардори Чаенг Ченг Пауло:
Майдон ҳолати ҳақида:
Иккала жамоа футболчилари бир хил шароитда ўйнашди. Машғулотлар ҳам сунъий майдонда бўлиб ўтганди, бу майдонда иккала жамоа фақат ўйин пайтида ҳаракат қилишди.

Қирғизистон терма жамоаси бош мураббийи Александр Крестинин:

Ўйин ҳақида:
Барчани янги мавсум ва ғалаба билан табриклайман. Босим остида ўйнадик ва якуний натижадан қониқдик. Қийин баҳсда натижага эришдик.

Таркибда ўзгаришлар ҳақида:
Кейинги йиғинлар давомида таркибни ўзгаришини ҳал қиламиз. Барча футболчиларни кузатиб борамиз.

Майдон ҳолати ҳақида:
Майдонни тайёрлаган ходимларга катта раҳмат. Улар меҳнат қилишди, табиатга қарши чиқиб бўлмайди. Бундай майдонда ҳужум қилиш эмас, ҳимояланиш осонроқ. Макао катта куч билан ҳимояланди.

Гуруҳдаги рақиблар ҳақида:
Фақат Макаони ўрганиб чиқдик, Ҳиндистонни энди ўрганамиз. Битта нарсани биламан, биринчи ўринга биз ва яна қайсидир жамоа курашади.  



Қирғизистон сардори Азамат Бойматов:

Гол ҳақида:
Рақибимиз Макао уларни ҳурмат қиламиз. Осиёда футбол йилдан йилга ошмоқда. Биринчи бўлимда нимадир қилишга уриндик. Иккинчи таймда гол урганимиздан хурсандман.

Афсуски, биз ўйинга у қадар яхши тайёргарлик кўра олмадик. Йиғин Анталияда ўтди, бу ерда фақат уч кун сунъий майдонга ўргандик холос.

Марат Аксанов

Бишкек, Қирғизистон