RU

Последние новости

08:33"Пахтакор" "Сурхон"ни қийинчилик билан мағлуб этган учрашувдан ФОТОГАЛEРEЯ  0 08:07Суперлига. Бугун 23-тур якунланади  1 07:30Суперлига. "Пахтакор" – "Сурхон" 1:0   0 01:06Умар Эшмуродов: "Футболимизнинг камчиликлари билиниб қолди"  8 00:27Жавоҳир Сидиқов: "Ютса жамоа ютади, ютқазса ҳам жамоа ютқазади"  7 00:18Элит ОЧЛ. "Насаф" - "Ал Ҳилол" 2:3  4 00:00ОФК ЭЧЛ. Ҳамробеков жамоаси дуранг ўйнади  0 23:24Камолиддин Тожиев : "Охиригача курашиб, муҳим уч очкони қўлга киритдик"  0 23:08Февзи Давлетов: "Ғалаба қозониш учун гол уриш керак, биз эса уч ўйиндан буён гол ура олмаяпмиз"  2 23:00"Насаф" бош мураббийи Рўзиқул Бердиев: "Бугун савия ва даража ўз сўзини айтди"  35 22:47"Ал Ҳилол" бош мураббийи Симоне Инзаги: "Икки бор тўп ўтказиб юборган бўлсак-да, якунда ғалабага эришдик"  20 22:27Ҳакамлар маркази "Пахтакор" - "Сурхон" ўйинидаги баҳсли вазият бўйча изоҳ берди  3 22:01УЕФА Исроилни четлатишга тайёр, аммо...  12 21:02Суперлига. Сергеевнинг ягона голи "Пахтакор"га "Сурхон" устидан қийин ғалабани келтирди  69 20:43Элит ОЧЛ. "Насаф" ўз майдонидаги жанговар ўйинда "Ал Ҳилол"га ютқазди  308

Қатар термаси бош мураббийи Маркес Лопес: "Ўзбекистоннинг кучли ва заиф томонларини алоҳида ўргандик" Новости

Қатар термаси бош мураббийи Маркес Лопес: "Ўзбекистоннинг кучли ва заиф томонларини алоҳида ўргандик"

ЖЧ-2026 саралашидан ўрин олган Қатар – Ўзбекистон учрашувидан олдин ўтказилган матбуот анжуманида мезбонлар бош мураббийи Маркес Лопес қатнашди ва ўйин ҳақидаги фикрларини билдирди.

"Шогирдларимнинг саралаш босқичидаги ўйинидан мамнунман. Бўлажак ўйин биз учун қанчалик муҳимлигини жуда яхши биламиз ва иккинчи ўрин билан бўлса ҳам мундиал йўлланмасини қўлга киритиш умидини сақлаб қолиш ниятида уч очкони қўлга киритишимиз зарур. Бўлажак ўйинда ғалаба қозониш жамоанинг асосий мақсади ҳисобланади. Саралаш босқичидан муваффақиятли ўтишимиз учуб ҳар бир ўйинда икки баробар кўп куч сарфлашимиз ва майдонда бор имкониятларимизни ишга солишимиз керак.

Футбол математикадан иборат эмас, жаҳон чемпионатига чиқиш учун сўнгги нафасгача курашишимиз керак. Мен сўнгги кунларда гуруҳ машғулотлари давомида ўйинчиларнинг ҳолатига асосланиб, уларга катта ишонч билдираман.

Шубҳасиз, бизда ҳимоя муаммоси бор, хатолар ҳар бир ўйинда такрорланмаслиги учун имкон қадар уларни бартараф этишга ҳаракат қиляпмиз.

Биз ҳар бўлажак ўйинга ҳар томонлама тайёр ўйинчиларни танлашимиз керак.

Барча ўйинчилар яна тўғри йўлга қайтиб, сўнгги Осиё чемпионатида кўрсатган ўйинларини такрорлашларига ишонаман.

Гуруҳимиз мураккаб ва кучли жамоаларни ўз ичига олади, барча жамоалар Жаҳон чемпионатига йўлланма олиш имкониятига эга. Ўзбекистон терма жамоаси эса уюшқоқ таркибга ва ҳужум чизиғида кучли учликка эга. Осиё кубогида пеналтилар сериясигача уларга қарши қандай қийин курашганимизни ҳамма кўрди.

Қатар терма жамоасини сўнгги Осиё кубоги олдидан бир неча кун олдин қабул қилгандим, шунга қарамай, жуда қисқа вақт ичида футболчилар билан келишик кетганмиз, шунинг учун ўз ғояларимни ўзгартирмайман.

Рақибни яхши ўргандик. Ўзбекистоннинг кучли ва заиф томонларини алоҳида ўргандик", -дейди Маркес Лопес.

Шу билан бирга ўйин ҳақида  Қатар терма жамоаси ярим ҳимоячиси Муҳаммад Ваад ҳам фикр билдириб ўтди.

"Бўлажак ўйинда уч очко қўлга киритиб, жамоамизни қўллаб-қувватлаш учун ташриф буюрадиган Қатар мухлисларини хурсанд қилишга ҳаракат қиламиз. Ўзбекистон терма жамоасига қарши ўйин жуда муҳим аҳамиятга эга.

Эҳтимол, бу ҳозирда биз учун ўйин энг муҳим ўйин бўлиши мумкин. Мазкур учрашувдан кўзланган мақсадга эришиш учун 200% кучи сарфлашимиз зарур.

Шу ўринда жамоани қўллаб-қувватлаш учун мухлисларни стадионга чорлаб қоламан", -дейди Муҳаммад Ваад.

Рейтинг: -10   

Комментарии

championat.asia
< посмотреть последние новости
Яндекс.Метрика