ПСВ мухлиси "Севилья" посбонига ҳужум қилди

"Севилья" дарвозабони Марко Дмитровичга Нидерландиядаги майдонда томошабинлардан бири ҳужум қилди.

Европа лигаси плей-офф босқичида доирасида ПСВ ва "Севилья" жамоалари ўзаро беллашди. Дастлабки ўйинда испанияликлар 3:0 ҳисобида ғалаба қозонганди. Жавоб баҳсида эса Льюк де Йонг ва Фабио Сильванинг голлари Руд ван Нестелрой шогирдларига ғалаба тақдим этди, бироқ бу голлар кейинги босқичга чиқиш учун етарли бўлмади.

Мағлуб тараф мухлиси меҳмонларнинг 31 ёшли посбонига мушт туширган, бироқ дарвозабон ўзини ҳимоя қилиб, уни ерга йиқитган.

Шундан сўнг стюардлар томошабинни майдондан олиб чиқиб кетишди. Сербиялик посбон бу вазиятни қоралади: "Футболда бундай ҳолатларни гувоҳи бўлиш ҳеч қачон ёқимли бўлмайди. Ўйинчи бу каби ҳолатга дуч келмаслиги лозим. Тартибсизлик қилганлар жазоланади деб умид қиламан. Томошабин келиб ортимдан туртиб юборди. Менимча, у натижадан ғазабланган бўлса керак. У мени уришга ҳаракат қилди, мен эса хавфсизлик ходимлари келгунига қадар уни босиб туришга мажбур бўлдим".