ПСЖ дарвозабонининг адвокати: собиқ рафиқаси унга босим ўтказмоқда
18 дек 19:28
Новости

ПСЖ дарвозабонининг адвокати: собиқ рафиқаси унга босим ўтказмоқда

ПСЖ ва Россия терма жамоаси дарвозабони Матвей Сафоновнинг адвокати Андрей Крючков собиқ рафиқаси футболчига босим ўтказаётганини айтди.

– Анастасиянинг аризалари кўпинча ПСЖ ўйинлари санаси билан тўғри келади. Буни футболдан чалғитиш учун Матвейга қўшимча босим сифатида баҳолаш мумкинми?

– Менинг шахсий фикримча, бундай тасодиф бўлиши мумкин эмас. Бу Матвейга очиқ-ойдин босим ўтказишга уриниш. Яхшики, менинг ҳимоя остимдаги шахс бундай нарсаларга анчадан бери рухан бардошли бўлиб қолган, – дейди Сафоновнинг адвокати "Матч ТВ"га берган интервьюсида.

11 декабрь куни Матвей Сафонов собиқ рафиқаси Анастасияга қарши судда охири мағлуб бўлгани маълум бўлди. Дарвозабон 2024 йил августида қабул қилинган бу қарорга апеляция берганди, аммо кассация инстанцияси Сафоновнинг 60 миллион рубль қарзи тўғрисидаги қарорни ўз кучида қолдирди. Футболчи маошининг тўртдан бир қисмини собиқ рафиқаси ва боласига бериши кераклиги таъкидланди.

Ссылка :

Источник : Матч ТВ

Получайте новости прямо в Telegram!

Рейтинг: +2