ПРО-Лига, “А” гуруҳи. 17-турда энг кўп мухлис Нукусда

Унда мухлислар бир қатор қизиқарли баҳсларга гувоҳ бўлди. Айни пайтда Россия давлатида нуфузи жиҳатдан дунёда биринчи ўринда турадиган жахон чемпионати ўйинлари бўлиб ўтаётганлиги сабабли ишқибозларни ПРО-Лига ўйинлари у қадар кўп қизиқтираётгани йўқ.

Хусусан, “А” гуруҳнинг 4та ўйинида жами 4275 нафар томошабин ташриф буюрган. Бу эса ҳар бир учрашувга ўртача 1068та мухлис демакдир.

Энг кўп ишқибоз “Орол” – “Хоразм” баҳсида кузатилди. Нукусда кечган учрашувга 2118 нафар томошабин ташриф буюрган.

Ҳаққулободда эса аксинча вазият юз берди. Сабаби “Норин” – “Машъал” ўйинига атига 281 нафар томошабин ташриф буюрди.

Томошабинлар ташрифи кимда қандай?  

“НОРИН” – “МАШЪАЛ” 2:1
Ҳаққулобод. “Шодлик” стадиони. 281 томошабин.

“АНДИЖОН” – “ИСТИҚЛОЛ” 2:1
Андижон. “Соғлом авлод” стадиони. 1530 томошабин.

“ОРОЛ” – “ХОРАЗМ” 0:3
Нукус. “Турон” стадиони. 2118 томошабин.

“ШЎРТАН” – “СУРХОН” 0:1
Ғузор. “Ғузор” стадиони. 346 томошабин.