ПРЕВЬЮ. Турнир жадвалидаги қўшнилар тўқнашуви ёхуд "Турон" "Бухоро"ни қувиб ўта оладими?

Мавсумнинг иккинчи қисмини бошлаб бериш чеки ҳам яна шу жамоалар зиммасига юклатилди. Турнир жадвали, жамоаларнинг ҳолати ва бошқа факторларни инобатга олганда қайсидир маънода турнинг марказий учрашувларидан бири ҳисобланади. 

Бухара Махмуд Джурабаев - 80', Шохруз Норхонов - 83'

Суперлига. Тур 14 27/07/2023, 20:00 3 : 2 Завершен

Турон Файзуллобек Жуманкузиев - 20', Шохмалик Комилов - 63', Асадбек Саитхонов - 90'

45'

90'

15'  Всеволод Нихаев

22'  Джасур Холтураев (Асилбек Каюмов)

43'  Александар Станисавлевич

56'  Иззатилла Пулатов (Мухаммаджон Рахимов)

80'  Махмуд Джурабаев

80'  Мухаммаджон Рахимов

83'  Шохруз Норхонов

20'  Файзуллобек Жуманкузиев

63'  Шохмалик Комилов

63'  Абдулазиз Абдурашидов

70'  Шохмалик Комилов (Нгу Абега Энянг)

70'  Хумоюн Муртозаев (Асадбек Саитхонов)

77'  Шахзод Рахматуллаев (Азам Алиев)

90'  Асадбек Саитхонов

Открыть в Матч-Центре

Ўзаро ўйинлар 

Ўзаро ўйинлар жадвалига назар ташласак, жамоалар бугунгача расмий ўйинларда 6 бор тўқнаш келишган. 1 та учрашув вакилларимизнинг ғалабаси билан якунланган бўлса, 2 та баҳсда дуранг натижа қайд этилган. Яна 3 та ўйин “Бухоро” ғалабаси билан якунига етган. Тўплар нисбати 8-7, бухороликлар фойдасига.

Қуйида жамоаларнинг ортда қолган ўзаро учрашувларида қайд этилган натижаларни хронологик кетма-кетлик асосида коʻриб чиқамиз:

19.03.2022. Про-лига. 3-тур.

“Бухоро” - “Турон” 2:1.

Голлар: Собит Синдаров, 1 (1:0), Обид Жўрабоев, 14 (2:0), Хумоюн Муртозаев, 21 (2:1).

13.06.2022. Про-лига. 12-тур.

“Турон” - “Бухоро” 2:0

Голлар: Хумоюн Муртозаев, 9 (1:0), Хумоюн Муртозаев, 18 (2:0).

25.09.2022. Про-лига. 19-тур.

“Турон” - “Бухоро” 2:2.

Голлар: Абдулазизхон Абдурашидов, 16 (1:0), Абдухолиқ Қурбонов, 24 (1:1), Рўзимбой Аҳмедов, 50 (1:2), Хумоюн Муртозаев, 62 (2:2).

01.11.2022. Про-лига. 24-тур.

“Бухоро” - “Турон” 1:0.

Гол: Рўзимбой Аҳмедов, 48 (1:0).

05.03.2023. Cоcа-Cола Суперлига. 1-тур.

“Турон“ - ”Бухоро“ 1:2

Голлар: Хумоюнмирзо Иминов, 30 (0:1) Анри Чичинадзе, 46 (1:1), Темур Исмоилов, 80 (1:2).

12.04.2023. Ўзбекистон кубоги. 1-тур.

”Бухоро“ - ”Турон“ 1:1.

Голлар: Обид Жўрабоев, 29 (1:0), Милан Бойович, 90+4 (1:1).

Бугунги баҳс жамоалар иштирокидаги ўзаро 7-ўйин бўлади. Эслатиб ўтамиз, ”Бухоро“ - ”Турон“ учрашуви  ”Спорт“ телеканали орқали бугун соат 19:50дан бошлаб жонли эфирда намойиш этилади.

Тайёргарлик ва таркибдаги ўзгаришлар

Жамоалар тараддуд жараёнида икки хил локациялардан фойдаланди. "Бухоро" машғулотларнинг асосий қисмини Тожикистонда олиб борди ва у ерда бир нечта ўртоқлик учрашувларида майдонга тушди. Бу орада селекция ишлари олиб борилди. Биринчи даврада ҳужум чизиғида оқсаган клуб бу борада Шоҳруз Норхоновни жалб қилди, дарвоза чизиғидаги муаммо Лука Кукич билан бартараф этилди. Тажриба борасида "Бухоро" рақибига нисбатан яхшироқ ижрочиларни қўшиб олди. Бакаев билан Фузайловнинг футболида фарқ катта ва таркиб ҳам мавсум бошида шунга яраша йиғилганди. Эндиликда мураббий ўз фалсафасига мос, услубига мос келадиган ўйинчиларни атрофига жамлаяпти. Бунда Станиславлевич ва Норхонов муҳим фигура бўлиб хизмат қилади. Давралар оралиғидаги ўртоқлик учрашувларида ҳам айнан шу икки жуфтлик тандем ҳосил қилишга ва олдинда фаолликни оширишга ҳаракат қилди. 

"Эсхата" - "Бухоро" 0:3

"Равшан" -  "Бухоро" 1:2

"Хўжанд" - "Бухоро" 2:1

Кетганлар: Файзуллобек Жуманқўзиев, Ихтиёр Тошпўлатов, Рўзимбой Аҳмедов, Жасур Хасанов, Тимур Исмоилов, Жасур Азимов, Никола Стошич, Обид Жўрабоев

Келганлар: Лука Кукич, Фране Икич, Шоҳруз Норхонов, Диёрбек Ортиқбоев, Маҳмуд Жўрабоев, Муҳаммаджон Раҳимов, Иззатилло Пўлатов, Шоҳжаҳон Хайруллаев, Аслиддин Турсунпўлатов

"Турон" "Рубин" билан ўртоқлик учрашуви доирасида қисқа вақт Қозон шаҳрида машғулотларни олиб борди. Таркибда катта ўзгаришларга кўл урган яйпанликлар барча етакчи ва легионерларга жавоб бериб юборди ва иккинчи даврада ёшларга таянишга қарор қилди. Балки кечдир, лекин ўйнамаётган ёшлар учун бу айни пайти ва имконияти. Ҳали "Турон" Суперлигадан бутунлай умидни узмаган ва кичик имкониятдан фойдаланишга уриниб кўради. Айнан бугунги баҳс бурилиш нуқтасига айланади. 

"Рубин" – "Турон" 3:0

Голлар: Фамайе, Даку (дубль)

Кетганлар: Анри Чичинадзе, Никола Кумбурович, Закария Бегларашвили, Милан Бойович, Душан Стоилкович, Азим Аҳмедов, Билолхон Тошмирзаев, Сардор Абдураимов, Шоҳназар Норбеков, Ҳумоюн Муртозаев, Қувондиқ Рўзиев

Келганлар: Файзулло Жуманқўзиев, Азизбек Холмуродов, Жавоҳир Алижонов, Нодирбек Мукаров, Абубакир Ашуров, Шаҳзодбек Раҳматуллаев, Шоҳмалик Комилов, Сардор Хурсандов, Акбаржон Абдирасулов, Абдураҳим Сайдуллаев, Равшан Хайруллаев

Турнир жадвалидаги ҳолат 

Айни пайтда икки жамоа турнир жадвалида ёнма-ён бормоқда. Очколар ўртасидаги тафовут 1 очкони ташкил қилмоқда, холос. Бу дегани "Турон" бугун ғалаба қозонган тақдирда "Бухоро"ни жадвал финишига равона қилади. Боз устига "Сўғдиёна"да ишлари юришмаган Ёрқин Назаров "Турон"даги маҳаллий йигитлар билан нималарга қодирлигини, Жиззахдаги натижалар тасодифлигини исботлаши шарт. "Бухоро"ни эса ғалабадан бошқа натижа қутқара олмайди. Уч очко қўлга киритиш билан бирга "Қизилқум"нинг мағлубиятини кутишга мажбур. Шунда ҳам жамоа жадвалда ўз ўрнида қолади. Интрига кейинги турларда ҳам давом этади, буни қарангки "Бухоро" 15-турда "Қизилқум"ни қабул қилар экан. "Турон" эса "Насаф"ни меҳмон қилади. Бугун икки жамоа учун ғалабадан бошқа натижа қониқарсиз бўлиши шубҳасиз.