Превью. "Сўғдиёна" "Олимпик"ни умуман юта олмаган
15 мар 11:43
Новости

Превью. "Сўғдиёна" "Олимпик"ни умуман юта олмаган

Бугун Жиззахда Суперлиганинг 3-туридан ўрин олган "Сўғдиёна" - "Олимпик" учрашуви бўлиб ўтади.

Бу жамоалар Суперлигада ҳозирга қадар 4 марта тўқнаш келишган. 3 та ўйинда ғолибни аниқлашнинг имкони бўлмаган. "Олимпик" бир марта зафар қучган. Тушуниб турганингиздек "Сўғдиёна" бу рақибни юта олмаган. Ўзаро ўйинларда "Олимпик" 7 та гол урган ва 6 та гол ўтказган.

Ўзаро барча ўйинлар:
06.08.2023 "Олимпик" – "Сўғдиёна" 3:3
10.03.2023 "Сўғдиёна" – "Олимпик" 2:2
29.08.2022 "Олимпик" – "Сўғдиёна" 1:0
02.04.2022 "Сўғдиёна" – "Олимпик" 1:1

"Сўғдиёна" мавсумни ўз уйида "Нефтчи"дан қабул қилинган мағлубият билан бошлади - 1:2. Сўнгра сафарда "Металлург" билан дуранг ўйнади - 0:0. "Олимпик" эса дастлаб Қаршида "Насаф"га (0:2), сўнгра ўз уйида "Локомотив"га ютқазди (0:1).

"Сўғдиёна" — "Олимпик"
15 март 2024 йил. Жиззах, "Сўғдиёна" стадиони. 19:00
Бош ҳакам: Фирдавс Норсафаров
Қанот ҳакамлари: Сардор Ҳакимов, Кристина Середа
Захира ҳаками: Наим Қосимов
ВАР ҳаками: Азиз Асимов
АВАР ҳаками: Равшан Абдувоҳидов
Назоратчи: Константин Смирнов
Комиссар: Диёр Хотамқулов.

ЎзФҲМ бу ўйинга Фирдавс Норсафаровни бош ҳакам этиб тайинлади. 2023 йилда бу ҳакам "Сўғдиёна"нинг битта ўйинида ишлаган. Ўша ўйинда Жиззах клуби ўз уйида "Нефтчи"га мағлуб бўлганди - 0:2. Норсафаров ўтган йил "Олимпик"нинг сафардаги битта учрашувини бошқарган. "Сурхон"га қарши кечган баҳсда Кападзе шогирдлари мағлуб бўлишган - 0:1.