Превью. "Сўғдиёна" - "Локомотив"

«Сўғдиёна» (Жиззах) – «Локомотив» (Тошкент)
10 апрель 2016. Жиззах. "Жиззах" стадиони. 17:00
Ҳакамлар: В. Серазетдинов (Тошкент), А. Цапенко (Тошкент вил.), А. Калинин (Қарши), Н. Қосимов (Қарши)
Назоратчи: И. Нехочин (Наманган)
 
“Сўғдиёна” ва “Локомотив” олий лигада 16 бора тўқнаш келишган. Натижалар “темирйўлчилар”нинг устунлигини кўрсатмоқда.

“Локомотив” ушбу рақибни 12 марта мағлуб этган. “Сўғдиёна” 2 марта ғалабага эришган. Қолган 2та ўйинда дуранг натижаси қайд этилган. “Локомотив” ўзаро ўйинларда 40та гол урган, “Сўғдиёна” футболчилари 9 марта тошкентликлар дарвозасини ишғол этишган. “Локомотив” ўзаро ўйинларда 38 очкога эга бўлган, “Сўғдиёна” ҳисобида 8 очко бор. “Локомотив”нинг ўзаро ўйинларда энг йирик ғалабаси 7:0га тенг. “Сўғдиёна”нинг энг йирик ғалабаси эса 2:0 бўлиб турибди.

Ўтган йил иккала баҳсда ҳам “Локомотив” зафар қучган. “Сўғдиёна” уйида ўтган учрашувда Марат Бикмаев, Темурхўжа Абдухолиқов ва Санжар Шоаҳмедов томонидан урилган голлар “Локо”га ғалаба келтирган. Майдон эгалари сафида ягона голни Анвар Ражабов урган – 1:3. Тошкентда Элёр Орипов ўз дарвозасини ишғол қилиб голлар шоусини бошлаб берган. Санжар Шоаҳмедов (2та), Ислом Тўхтахўжаев (2та), Марат Бикмаев ва кичик Жасур Ҳасанов “Сўғдиёна” дарвозасига тўп киритишганди – 7:0.

“Сўғдиёна” майдонида ўтган сўнгги беш учрашув:
03.04.2015 «Сўғдиёна» - «Локомотив» 1:3
23.08.2014 «Сўғдиёна» - «Локомотив» 0:2
20.09.2013 «Сўғдиёна» - «Локомотив» 1:4
23.05.2009 «Сўғдиёна» - «Локомотив» 0:0
29.03.2008 «Сўғдиёна» - «Локомотив» 1:0

Ўзаро ўйинлар ҳақида факт: “Сўғдиёна” ўз уйида “Локомотив”га қарши кечган 8та ўйиннинг иккитасида ғолиб бўлган. Икки бор дуранг қайд этилган ва тўрт бор “темирйўлчилар” сафардан ғалаба билан қайтишган. Охирги тўрт ўйинда “Сўғдиёна” ғалаба қозона олмаган.