Превью. "Шўртан" - "Насаф"

«Шўртан» (Ғузор) – «Насаф» (Қарши)
3 август 2016. Ғузор. "Ғузор" стадиони. 19:00
Ҳакамлар: Ш. Қосимов (Тошкент), Т. Галеев (Тошкент), А. Пўлатов (Тошкент), И. Ибрагимов (Нукус)
Назоратчи: И. Нехочин (Наманган).
УзПФЛ вакили: Н. Лутфулин.

“Шўртан” ва “Насаф” олий лигада 21 марта тўқнаш келишган. Ушбу ўйинлардан 15тасида қаршиликлар ғолиб бўлишган. Битта ўйин дуранг ҳисобида якунланган, “Шўртан” ҳисобида 5та ғалаба мавжуд.

“Насаф” шу кунгача ўзаро ўйинларда “Шўртан” дарвозасига 47та тўп киритган, ғузорликлар эса “Насаф” дарвозасига 23та гол уришган. “Аждарлар” ўзаро ўйинларда 46 очко ишлаб олишган бўлишса, “Шўтан” 16 очкони қўлга киритган. “Насаф”нинг олий лигада бу рақиб устидан эришган энг йирик ғалабаси 5:0 ни ташкил қилади. “Шўртан”нинг йирик ғалабаси эса 3:2 бўлиб турибди.

Биринчи турда Қаршида ўтган ўйинда "Насаф" футболчилари учта гол уришган. Артур Геворкян ва Илҳом Шомуродов рақиб дарвозасига тўп киритишган бўлса, Шерзод Аъзамов ўз дарвозасини ишғол қилиб қўйганди - 2:1.

Ғузорда бўлиб ўтган сўнгги беш учрашув:
26.04.2015 «Шўртан» - «Насаф» 1:2
18.10.2013 «Шўртан» - «Насаф» 1:4
11.05.2012 «Шўртан» - «Насаф» 2:3
06.08.2011 «Шўртан» - «Насаф» 2:1
31.10.2010 «Шўртан» - «Насаф» 1:0

Ўзаро ўйинлар ҳақида факт: “Шўртан” Ғузорда бўлиб ўтган ўйинларда 5 марта муваффақиятга эришган. “Насаф” ҳам сафарда 5 бор 3 очкога эга бўлган. Ғузорда бу жамоалар ўртасида умуман дуранг кузатилмаган. Охирги учта учрашувда "аждарлар" бу рақиб майдонидан фақат ғалаба билан қайтишган.