Превью. "Қўқон-1912" - "Пахтакор"

«Қўқон-1912» (Қўқон) – «Пахтакор» (Ташкент)
5 июль 2015 йил. Қўқон. "Марказий" стадиони. 18:00
Ҳакамлар: И. Танташев (Бухоро), Б. Қодиров (Бухоро), А. Қўлдошев (Бухоро), А. Раҳимов (Андижон)
Назоратчи: А. Попов (Тошкент).


"Қўқон-1912" ва "Пахтакор" олий лигада жами 18 бора тўқнаш келишган. Натижалар шерларнинг устунлигини кўрсатмоқда. Тошкент клуби 11 марта ғолиб бўлган, 2та ўйинда дуранг қайд этилган. Қўқонликлар ҳисобида 5та ғалаба мавжуд. Тўплар нисбатида ҳам "Пахтакор" олдинда - 30:11. Ўзаро ўйинларда "Пахтакор" 35, "Қўқон-1912" 17 очкони қўлга киритган.

"Пахтакор"нинг ўзаро ўйинларда қозонган энг йирик ғалабаси 7:1 га тенг. "Қўқон-1912"да бу кўрсаткич 4:2 бўлиб турибди.

Ушбу жамоалар ўртасидаги олий лига доирасидаги сўнгги учрашувлар 2003 йилда бўлиб ўтган. Дастлабки турда Тошкентда ташкил этилган учрашувда майдон эгалари 5:1 ҳисобида зафар қучишган. Сервер Жепаров (иккита), Владислав Кирьян, Бахтиёр Ҳамидуллаев ва Жаъфар Ирисметов шерлар сафида, Шухрат Юсупов қўқонликлар таркибида ўзини кўрсатган. Сўнгги турда Қўқонда бўлиб ўтган ўйинда мезбонлар 3:2 ҳисобида ғолиб чиқишган. Қўқонликлар таркибида Учқир Аширматов, Шухрат Юсупов ва Аҳдам Жоналиев гол уришган бўлса, меҳмонлардан Александр Крохмаль ва Баҳром Умаров тўп киритишган.

Қўқонда ўтган барча учрашувлар:
02.11.2003 «Қўқон-1912» - «Пахтакор» 3:2
04.06.2002 «Қўқон-1912» - «Пахтакор» 1:3
21.05.2000 «Қўқон-1912» - «Пахтакор» 2:1
13.04.1999 «Қўқон-1912» - «Пахтакор» 3:2
01.11.1998 «Қўқон-1912» - «Пахтакор» 2:3

Ўзаро ўйинлар ҳақида факт: Бу жамоаларнинг водийда ўтган ўйинларида Қўқон 4 бор зафар қучган. Икки бор ғолибни аниқлашнинг имкони бўлмаган. "Пахтакор" ушбу жамоа майдонидан 3 бор 3 очко билан қайтган. Қўқонда ўтган охирги 7та ўйинда камида 3тадан гол урилган.