Превью. "Қизилқум" - "Металлург"

«ҚИЗИЛҚУМ» – «МЕТАЛЛУРГ»
21 сентябрь. Навоий. “Сўғдиёна” стадиони. 18:00
Ҳакамлар: В.Цейтлин, Б.Қодиров, А.Қўлдошев, Р.Тошмуҳамедов
Назоратчи: Р.Серазетдинов.

Устунлик “Қизилқум” томонида. 13та ўйинда “Қизилқум”нинг қўли баланд келган бўлса, 8та учрашувда “Металлург” ғолиб чиққан. Яна 6та баҳсда ғолиб аниқланмаган. Тўплар нисбати эса “Қизилқум” фойдасига. Зарафшонликлар шу кунга қадар ўзаро ўйинларда 41та гол киритиб ўз дарвозаларидан 31 марта тўп олиб чиқишган. Ўзаро ўинларда “Қизилқум” 45 очкони, “Металлург” эса 30 очкони қўлга киритган. 

“Металлург” олий лигада “Қизилқум” устидан 4:1 ҳисобида ғалаба қозонган. Бу ўзаро ўйинлардаги бекободликларнинг энг йирик ғалабаси ҳисобланади. “Қизилқум”нинг ўзаро ўйинлардаги эришган энг йирик ғалабаси эса 5:0га тенг.

8-турда “Металлург” ўз майдонида 3:1 ҳисобида зафар қучган. Дилмурод Каримов ва Шухрат Йўлдошев (иккита) гол урган бўлса, меҳмонлар сафида Яннис Мандзукас ягона голга муаллифлик қилган.

“Қизилқум” майдонида бўлиб ўтган сўнгги беш учрашув:
27.10.2012 «Қизилқум» - «Металлург» 0:0
17.09.2011 «Қизилқум» - «Металлург» 2:1
13.03.2010 «Қизилқум» - «Металлург» 0:1
23.08.2009 «Қизилқум» - «Металлург» 0:0
18.11.2008 «Қизилқум» - «Металлург» 2:1

Ўзаро ўйинлар ҳақида факт: Зарафшонда бўлиб ўтган ўйинларда “Қизилқум” 9 марта ғалаба қозонган. 2та учрашув дуранг қайд этилган. Қолган 2та ўйинда “Металлург” сафарда зафар қучган.