Превью. "Қизилқум" - "Локомотив"

«Қизилқум» (Навоий) – «Локомотив» (Тошкент)
26 октябрь 2015. Навоий. "Сўғдиёна" стадиони. 17:00
Ҳакамлар: Б. Намозов (Тошкент), Р. Серазетдинов (Тошкент), С. Шоюсупов (Тошкент), К. Расулов (Қарши)
Назоратчи: А. Хотамов (Тошкент).

Бу икки клубнинг йўллари олий лига ўйинларида 21 бор кесишган. Натижалар Тошкент клубининг устунлигини кўрсатмоқда. “Локомотив” 10 марта, “Қизилқум” 7 марта ғалабага эришишган. Яна 4та баҳсда ғолиб аниқланмаган. Тўплар нисбати ҳам “Локомотив” фойдасига. Тошкентликлар шу кунга қадар ўзаро ўйинларда 29та гол киритиб ўз дарвозаларидан 18 марта тўп олиб чиқишган. Ўзаро ўинларда “темирйўлчилар” 34, “Қизилқум” 25 очкони қўлга киритган.

“Локомотив” олий лигада “Қизилқум” устидан 5:0 ҳисобида ғалаба қозонган. Бу ўзаро ўйинлардаги пойтахтликларнинг энг йирик ғалабаси ҳисобланади. “Қизилқум”нинг ўзаро ўйинлардаги эришган энг йирик ғалабаси эса 3:1га тенг.

Биринчи даврада Тошкентда ўтган ўйин тақдирини биргина гол ҳал қилган эди. Катта Жасур Ҳасанов томонидан биринчи дақиқада урилган гол “Локо”га ғалаба келтирганди – 1:0.

“Қизилқум” майдонида бўлиб ўтган сўнгги беш учрашув:
26.09.2014 «Қизилқум» - «Локомотив» 2:3
26.08.2013 «Қизилқум» - «Локомотив» 1:0
08.08.2012 «Қизилқум» - «Локомотив» 1:1
03.04.2010 «Қизилқум» - «Локомотив» 0:1
29.06.2009 «Қизилқум» - «Локомотив» 1:0

Ўзаро ўйинлар ҳақида факт: “Қизилқум” майдонида бўлиб ўтган 10та ўйиннинг 5тасида майдон эгалари уч очкога эга бўлишган. Уч марта дуранг қайд этилган ва “Локомотив” икки бор сафардан ғолиб сифатида қайтган.