Превью. "Пахтакор" - "Қизилқум"

«ПАХТАКОР» – «ҚИЗИЛҚУМ»
29 март. Тошкент. “Пахтакор” стадиони. 17:00.
Ҳакамлар: Т.Тўхтасинов, Р.Фозилов, А.Пўлатов, Р.Копадзе
Назоратчи: Г.Имомов.

“Пахтакор” ва “Қизилқум” олий лигада 28 бора тўқнаш келишган. Натижалар “Пахтакор”нинг катта устунлигини кўрсатмоқда. “Шерлар” ўзаро ўйинларда 23 марта ғалаба қозонишган. 4та баҳсда дуранг қайд этилган. “Қизилқум” фақат 1 марта “Пахтакор”ни таслим қила олган. Тўплар нисбатида ҳам устунлик “шерлар”да 78:16. “Пахтакор” ўзаро ўйинларда 73 очкога эга бўлган, “Қизилқум” ўз ҳисобига 7 очко ёзиб қўя олган. Тошкент клубининг “Қизилқум” устидан қозонган энг йирик ғалабаси 11:0га тенг бўлса, “Қизилқум”да бу кўрсаткич 2:1га тенг.

2013 йилги ҳар иккала баҳсда ҳам “шерлар” 1:0 ҳисобида ғалаба қозонишган. Зарафшондаги баҳс тақдирини айни пайтда Малайзияда тўп тепаётган Дилшод Шарофетдинов ҳал қилган бўлса, Тошкентдаги ўйинда Кахи Махарадзе гол урган.

Тошкентда ўтган сўнгги беш учрашув:
14.09.2013 «Пахтакор» - Қизилқум» 1:0
21.05.2012 «Пахтакор» - Қизилқум» 4:0
05.03.2011 «Пахтакор» - Қизилқум» 2:0
13.06.2010 «Пахтакор» - Қизилқум» 0:0
18.09.2009 «Пахтакор» - Қизилқум» 6:1

Ўзаро ўйинлар ҳақида факт: Тошкентда бўлиб ўтган ўйинларнинг 11тасида “шерлар” зафар қучишган. 2та баҳсда эса дуранг қайд этилган. “Қизилқум” ўз тарихида бир марта (2001 йил) “Пахтакор” майдонидан уч очко билан қайтган. Охирги тўртта баҳсда “Қизилқум” Тошкентда гол ура олмаган.

Муаллиф тахмини: "Пахтакор" учрашувда ғалаба қозониши мумкин. Лекин Юрий Лукин бошчилигидаги "Қизилқум" клуби сюрприз тақдим этиши ҳам мумкин.


Нарзулла Сайдуллаев