ПРЕВЬЮ. «ПАХТАКОР» - «НЕФТЧИ»
09 авг 2014 10:52
Новости

ПРЕВЬЮ. «ПАХТАКОР» - «НЕФТЧИ»

Ўзбек "Эл классико"си номини олган тўқнашув Тошкентда "Пахтакор" ва "Нефтчи" ўртасида бўлиб ўтади.

«Пахтакор» (Тошкент) – «Нефтчи» (Фарғона)
9 август. Тошкент. “Пахтакор” стадиони. 19:30
Ҳакамлар: И. Танташев (Бухоро), А. Қўлдошев (Бухоро), Б. Қодиров (Бухоро), В. Агишев (Тошкент)
Назоратчи: Р. Айтеков (Тошкент).

Бу икки буюк клубнинг йўллари олий лига ўйинларида 45 бор кесишган. Устунлик “Пахтакор” томонида. 21та ўйинда тошкентликларнинг қўли баланд келган бўлса, 17та учрашувда “Нефтчи” ғолиб бўлган. 7та учрашувда ғолиб аниқланмаган. Тўплар нисбати ҳам “Пахтакор” фойдасига. Тошкент клуби шу кунга қадар ўзаро ўйинларда 75та гол киритиб ўз дарвозасидан 60 марта тўп олиб чиққан. Ўзаро ўинларда “Пахтакор” 70 очкони, “Нефтчи” эса 58 очкони қўлга киритган.

“Пахтакор” олий лигада “Нефтчи” устидан 6:1 ҳисобида ғалаба қозонган. Бу ўзаро ўйинлардаги “шерлар”нинг энг йирик ҳисобидаги ғалабаси. “Нефтчи”нинг ўзаро ўйинлардаги “Пахтакор” устидан эришган энг йирик ғалабаси эса 4:0 бўлиб турибди.

Биринчи даврада Фарғонада ташкил этилган ўйинда меҳмонлар муваффақият қозонишган. Владимир Козак ва Станислав Андреевнинг биринчи бўлимда урган голларига ўйин тугашига 5 дақиқа қолганида Жаҳонгир Жиямуродов жавоб берган – 1:2.

Тошкент бўлиб ўтган сўнгги беш учрашув:
17.03.2013 «Пахтакор» - «Нефтчи» 1:0
05.10.2012 «Пахтакор» - «Нефтчи» 3:0
22.03.2011 «Пахтакор» - «Нефтчи» 1:0
11.09.2010 «Пахтакор» - «Нефтчи» 1:0
15.05.2009 «Пахтакор» - «Нефтчи» 3:0

Ўзаро ўйинлар ҳақида факт: “Пахтакор” ўз майдонида бўлиб ўтган ўйинларнинг 16тасида муваффақият қозонган. 2та баҳсда ғолиб аниқланмаган. “Нефтчи” Тошкентдан тўрт марта уч очко билан қайта олган холос.

Ссылка :

Источник : championat.asia

Получайте новости прямо в Telegram!

Рейтинг: