Превью. "Пахтакор" - "Навбаҳор"

«Пахтакор» (Тошкент) – «Навбаҳор» (Наманган)
7 май 18:00. Тошкент. "Пахтакор" стадиони. 18:00
Ҳакамлар: О. Толибжонов (Тошкент), О. Абдувосилов (Тошкент), С. Шоюсупов (Тошкент), И. Гармашов (Тошкент)
Назоратчи: Ғ. Каримов (Тошкент).

Бу икки клубнинг йўллари олий лигада 48 бор кесишган. Устунлик “Пахтакор” томонида. 31 та ўйинда “шерлар”нинг қўли баланд келган бўлса, 11 та учрашувда “лочинлар” ғолиб бўлишган. Олти учрашувда ғолиб аниқланмаган. Тўплар нисбати “Пахтакор” фойдасига. “Шерлар” шу кунга қадар ўзаро ўйинларда 82 та гол киритиб ўз дарвозаларидан 36 марта тўп олиб чиқишган. Ўзаро ўинларда “Пахтакор” 99 очкони, “Навбаҳор” эса 39 очкони қўлга киритган.

“Пахтакор” олий лигада “Навбаҳор” устидан 7:0 ҳисобида ғалаба қозонган. Бу ўзаро ўйинлардаги тошкентликларнинг энг йирик ҳисобидир. “Навбаҳор”нинг ўзаро ўйинлардаги “шерлар” устидан эришган энг йирик ғалабаси эса 2:0 бўлиб турибди.

2015 йилдаги ўйинларнинг иккаласида ҳам “Пахтакор” зафар қучган. Тошкентдаги баҳсда Станислав Андреев томонидан урилган гол “шерлар”га ғалаба келтирган – 1:0. Намангандаги учрашувда эса Кахи Махарадзе тўп киритиб “Пахтакор”нинг ғалабасини таъминлаганди – 1:0.

Тошкентда ўтган сўнгги беш учрашув:
01.05.2015  «Пахтакор» – «Навбаҳор»  1:0
20.05.2014  «Пахтакор» – «Навбаҳор»  2:1
03.03.2013  «Пахтакор» – «Навбаҳор»  2:0
21.06.2012  «Пахтакор» – «Навбаҳор»  2:1
15.05.2011  «Пахтакор» – «Навбаҳор»  2:1

Ўзаро ўйинлар ҳақида факт: “Пахтакор” ўз уйида 18 йилдан буён бу рақибни узлуксиз равишда мағлуб этиб келмоқда. “Навбаҳор” охирги марта 1997 йилда Тошкентда “Пахтакор”га ютқазмаган (2:2). “Лочинлар” “шерлар”ни сафарда 1995 йилда мағлуб этишган – 2:1.