Превью. "Пахтакор" - "Локомотив"

«ПАХТАКОР» – «ЛОКОМОТИВ»
3 май. Тошкент. "Пахтакор" стадиони. 18:30.
Ҳакамлар: В.Коваленко, Р.Самандаров, О.Жумаев, В.Агишев
Назоратчи: А.Абдуллаев.

“Пахтакор” ҳамда “Локомотив” олий лигада 18 бора тўқнаш келишган. Шулардан 13тасида “шерлар” ғолиб бўлишган, қолган 4та ўйинда ғолиб аниқланмаган. “Локомотив” ҳозирга қадар “Пахтакор”ни бир марта мағлуб этган. Тўплар нисбати “Пахтакор” фойдасига 46:13 ни ташкил қилмоқда. Ўзаро ўинларда “Пахтакор” 43 очкони, “Локомотив” эса 7 очкони қўлга киритган.

“Пахтакор”нинг “Локомотив” устидан қозонган йирик ғалабаси – 7:1га тенг. “Темирйўлчилар” ягона ғалабаси – 2:1.

Ўтган йил қайси жамоа сафарда ўйнаган бўлса ўша ғолиб чиққан. “Пахтакор” уйидаги баҳсда Кахи Махарадзе ҳисобни очганди. “Темирйўлчилар” таркибида Акмал Холматов ва Виктор Карпенко мезбонларни ранжитишганди – 1:2. “Локо” майдони бўлиб ўтган ўйинда Станислав Андреев томонидан киритилган тўп барчасини ҳал қилганди – 0:1.

“Пахтакор” майдонида ўтган сўнгги беш учрашув:
19.04.2013  «Пахтакор – «Локомотив» 1:2
27.09.2012  «Пахтакор – «Локомотив» 2:1
29.05.2010  «Пахтакор – «Локомотив» 4:2
22.03.2009  «Пахтакор – «Локомотив» 1:1
08.11.2008  «Пахтакор – «Локомотив» 1:0

Ўзаро ўйинлар ҳақида факт: “Пахтакор” ўз майдонида бўлиб ўтган 9 ўйиннинг 7тасида уч очкога эга бўлган. Фақат бир марта (2013 йил) “Локомотив” рақиб майдонидан уч очко билан қайта олган. 2009 йилда эса “Пахтакор” уйидаги баҳсда дуранг қайд этилган.