Превью. "Олмалиқ" - "Навбаҳор"

«Олмалиқ» (Олмалиқ) – «Навбаҳор» (Наманган)
16 октябрь 2015. Олмалиқ. ОКМК стадиони. 17:30
Ҳакамлар: Б. Намозов (Тошкент), Н. Рўзимов (Тошкент), Р. Нўъмонов (Тошкент), К. Расулов (Қарши)
Назоратчи: Г. Имамов (Тошкент).

Бу икки клубнинг йўллари олий лига ўйинларида 15 бор кесишган. Устунлик “Олмалиқ” томонида. 7та ўйинда “Олмалиқ”нинг қўли баланд келган бўлса, 5та учрашувда “Навбаҳор” ғолиб чиққан. Яна 3та баҳсда ғолиб аниқланмаган. Тўплар нисбатида эса тенглик – 21:21. Ўзаро ўйинларда “Олмалиқ” 24 очкони, “Навбаҳор” эса 18 очкони қўлга киритган.

“Олмалиқ” олий лигада “Навбаҳор” устидан 3:1 ҳисобида ғалаба қозонган. Бу ўзаро ўйинлардаги Игорь Шквирин шогирдларининг энг йирик ғалабаси ҳисобланади. “Навбаҳор”нинг ўзаро ўйинлардаги эришган энг йирик ғалабаси эса 3:0га тенг.

Биринчи даврада Наманганда ўтган учрашувда томонлар иккитадан гол уришганди. Шаҳбоз Эркинов ҳисобни очганди. Бунга меҳмонлар сафида Шавкат Саломов ва Арслонмурод Омонов жавоб беришганди. Эркинов дублга эришиб якуний натижани ўрнатганди – 2:2.

Олмалиқда ўтган сўнгги беш учрашув:
02.11.2014 «Олмалиқ» - «Навбаҳор» 3:1
04.05.2013 «Олмалиқ» - «Навбаҳор» 3:4
06.05.2012 «Олмалиқ» - «Навбаҳор» 1:0
10.10.2011 «Олмалиқ» - «Навбаҳор» 0:3
14.06.2010 «Олмалиқ» - «Навбаҳор» 2:1

Ўзаро ўйинлар ҳақида факт: Олмалиқда ўтган 7та ўйиннинг тўрттаси “Олмалиқ”, иккитасида “Навбаҳор” ғалабага эришган. Битта ўйинда дуранг қайд этилган. Охирги икки ўйинда “Олмалиқ” ўз уйида 3тадан гол урган.