Превью. "Локомотив" - "Металлург"

«Локомотив» (Тошкент) – «Металлург» (Бекобод)
3 август 2015 йил. Тошкент. "ТТЙМИ" стадиони. 19:30
Ҳакамлар: Д. Пислегин (Тошкент), Ҳ. Шодмонов (Бухоро), Д. Сайлалов (Тошкент), Ф. Нарсафаров (Қарши)
Назоратчи: А. Попов (Тошкент).

“Локомотив” ва “Металлург” олий лигада жами 21 бора тўқнаш келишган. Натижалар “темирйўлчилар”нинг устунлигини кўрсатмоқда. “Локомотив” 13 марта ғолиб бўлган. 5та  ўйинда дуранг қайд этилган. “Металлург” эса 3та ўйинда зафар қучган. Тўплар нисбатида ҳам устунлик “Локо” томонида – 38:14. Ўзаро ўйинларда “Локомотив” 44 очко жамғарган бўлса, “Металлург” эса 14 очко йиққан.

“Локомотив”нинг ўзаро ўйинларда қозонган энг йирик ғалабаси – 5:1га тенг. Бекободликларда бу кўрсаткич 1:0 бўлиб турибди.

Биринчи даврада Бекободда ўтган баҳсда иккала жамоа ҳам ҳар қанча ҳаракат қилмасин рақиб дарвозасига йўл топа олмаган – 0:0.

Тошкентда ўтган сўнгги беш учрашув:
15.08.2014 «Локомотив» - «Металлург» 5:1
12.04.2013 «Локомотив» - «Металлург» 2:1
21.09.2012 «Локомотив» - «Металлург» 5:1
04.06.2010 «Локомотив» - «Металлург» 1:0
20.09.2009 «Локомотив» - «Металлург» 1:0

Ўзаро ўйинлар ҳақида факт: “Локомотив” Тошкентда тўққиз бор ғалаба қозонган. Фақат бир марта (2007 йил) дуранг қайд этилган. Ҳозирга қадар “Металлург” сафарда бу жамоани умуман мағлуб эта олмаган.