Превью. "Бухоро" - "Қўқон-1912"

«Бухоро» (Бухоро) – «Қўқон-1912» (Қўқон)
19 сентябрь 2015. Бухоро. "Бухоро" стадиони. 18:00
Ҳакамлар: В. Агишев (Тошкент), М. Саидқосимов (Тошкент), А. Калинин (Қарши), Ф. Нарсафаров (Қарши)
Назоратчи: Ф. Абдуллаев (Тошкент).

“Қўқон-1912” ҳамда “Бухоро” олий лигада 19 бора тўқнаш келишган. Шулардан 8тасида қўқонликлар ғолиб бўлишган, 2та ўйинда ғолиб аниқланмаган. “Бухоро” ҳозирга қадар бу рақибни 9 марта мағлуб этган. Тўплар нисбати “Бухоро” фойдасига 38:30 ни ташкил қилмоқда. Ўзаро ўинларда “Бухоро” 29, “Қўқон-1912” эса 26 очкони қўлга киритган.

“Қўқон-1912”нинг “Бухоро” устидан қозонган йирик ғалабаси – 4:0га тенг. “Бухоро”нинг бундай натижаси ғалабаси – 6:1.

7-турда Қўқонда бўлиб ўтган учрашувда Ориф Мамажонов ҳисобни очганди. Бунга Дилявер Абибуллаев жавоб бериб ҳисобни тенглаштирганди. Учрашувдаги сўнгги голни майдон эгалари вакили Азиз Тўхтабоев бухороликлар дарвозасига урган ва “Қўқон-1912”га ғалаба келтирганди – 2:1

Бухорода ўтган сўнгги беш учрашув:
10.08.2003 «Бухоро» - «Қўқон-1912» 4:2
04.05.2002 «Бухоро» - «Қўқон-1912» 2:0
29.03.2000 «Бухоро» - «Қўқон-1912» 2:0
05.05.1999 «Бухоро» - «Қўқон-1912» 6:1
18.03.1998 «Бухоро» - «Қўқон-1912» 1:0

Ўзаро ўйинлар ҳақида факт: “Бухоро” ўз майдонида бўлиб ўтган 9 ўйиннинг 8тасида зафар қучган. Битта учрашувда (1993 йил) дуранг қайд этилган. “Қўқон-1912” ўз тарихида Бухорода умуман ғалаба қозона олмаган.