Превью. 7 йил катта мусобақа кўрмаган Нидерландия Европа чемпионатида битта ғалабага эришган Украинага қарши

ОЛДИНГИ ТЎҚНАШУВЛАР
Бу жамоалар ҳозирга қадар икки марта ўзаро ўйин ўтказишган. Иккаласи ҳам ўртоқлик учрашуви доирасида ўтган. 2008 йил май ойида Роттердамда ўтган баҳсда Нидерландия 3:0 ҳисобида ғалаба қозонган. 2010 йил август ойида Донецкда тўқнаш келишган. Бу сафарги баҳсда 1:1 ҳисоби қайд этилган. Айни пайтда Украина терма жамоаси бош мураббийи бўлиб ишлаётган Андрей Шевченко юқоридаги иккала ўйинда ҳам иштирок этган.

Нидерландия 2014 йилдан буён халқаро мусобақада иштирок этмай келаётганди. Жамоа Евро-2016 ва ЖЧ-2018га чиқа олмаганди. "Лолалар юрти" жамоаси Европа чемпионатида охирги 4та ўйиннинг барчасида ютқазган (2008 йил чорак финалда Россияга, 2012 йил гуруҳдаги учала ўйинда). Нидерландия 1988 йилги Европа чемпиони ҳисобланади.

Украина кетма-кет учинчи бор Европа чемпионати финал босқичида иштирок этади. Жамоа 2012 йил мусобақа мезбони сифатида тўғридан-тўғри йўлланмага эга бўлган, 2016 йилги қитъа чемпионатига плей-офф орқали чиққан. Бу йилги Европа чемпионатига эса Украина илк бор тўғридан-тўғри йўлланма орқали чиқди. Украина ЕВРО-2020 саралашида мағлуб бўлмаган бешта жамоадан бирига айланди. Украина Европа чемпионатига ҳозирга қадар 6та ўйин ўтказган ва 5та ўйинда гол ура олмай мағлуб бўлган. Фақат дебют учрашувида Швеция таслим этилган - 2:1. Қизиғи ўша баҳсда Андрей Шевченко дублга эришган. Яъни Украина сафида Европа чемпионатида фақат Шевченко гол урган холос.

ТАХМИНИЙ ТАРКИБЛАР
Нидерландия: Стекеленбург; Думфрис, де Врей, Тимбер, Блинд, Вейндал; Ф. де Йонг, де Роон, Вейналдум; Депай, Вегхорст
Украина: Бушан; Караваев, Забарний, Матвиенко, Миколенко; Зинченко, Сидорчук, Малиновский; Ярмоленко, Яремчук, Зубков

БОШ МУРАББИЙЛАР ФИКРИ
Нидерландия терма жамоаси бош мураббийи Франк де Бур: "Украина терма жамоаси ўйинларини томоша қилдик, уларнинг кучли томонларини биламан. Ажойиб ижрочиларга эга бўлган жамоа. Улар муносиб футбол намойиш этишади, қисқа қилиб айтганда бу қийин рақиб. Маттейс де Лигт ўйнамайди. Маартен Стекеленбург - асосий дарвозабонимиз".

Украина терма жамоаси бош мураббийи Андрей Шевченко: "Бош мақсадимиз - гуруҳдан чиқиш. Энг асосийси - ўз услубимиз бор, ундан ҳеч қачон воз кечмаймиз. Сўнгги йилларда тактик томонлама анча ўсишга эришдик. Ҳар бир рақибга алоҳида тайёргарлик кўрамиз. Тактикамиз 4-3-3 ёки 3-5-2 бўлиши мумкин, аммо ўйин услубимиз ўзгармайди".

Нидерландия - Украина
13 июнь 2021 йил. Амстердам. "Йохан Кройфф" стадиони. 23:55
Бош ҳакам: Феликс Брих (Германия)
Қанот ҳакамлари: Марк Борш ва Штефан Лупп (иккиси Германия)
Захира ҳаками: Бартош Франковски (Польша)
VAR ҳаками: Марко Фритц (Германия)
VAR ҳаками ёрдамчилари: Кристиан Дингерт (Германия), Ли Беттс (Англия) ва Стюарт Эттуэлл (Англия).

Нидерланды Джорджиньо Вейналдум - 52', Ваут Вегорст - 58', Дензел Дюмфрис - 85'

Чемпионат Европы. Группа C . Тур 1 14/06/2021, 01:00 2 : 3 Завершен

Украина Андрей Ярмоленко - 75', Роман Яремчук - 79'

Стадион: Johan Cruijff Arena, 15837 зрителей

Главный судья: Феликс Брих

45'

90'

52'  Джорджиньо Вейналдум

58'  Ваут Вегорст

64'  Дэйли Блинд (Натан Аке)

64'  Патрик ван Анхолт (Овен Вейндал)

85'  Дензел Дюмфрис

85'  Натан Аке

88'  Ваут Вегорст (Люк де Йонг)

88'  Юрриен Тимбер (Йоэл Велтман)

90'  Мемфис Депай (Дониэлл Мален)

13'  Александр Зубков (Ромеро Бонфим Марлос)

64'  Ромеро Бонфим Марлос (Николай Шапаренко)

75'  Андрей Ярмоленко

75'  Роман Яремчук

79'  Роман Яремчук

79'  Руслан Малиновский

90'  Сергей Сидорчук

Открыть в Матч-Центре