Португалия футзал терма жамоаси устози: "Гуруҳимиздаги барча рақиблар ўз қитъасида энг кучлилари"

- Жамоангиз мундиалга қанчалик тайёр?

- Тайёргарлик жуда яхши ўтди. Ҳозирги вақтда эса, узоқ парвоздан тикланишга эътибор қаратганмиз. Жаҳон чемпионати стартини интизорлик билан кутмоқдамиз.

- Гуруҳдаги рақиблар ҳақида фикр билдириб ўтсангиз?

- Гуруҳимиз биз учун янгилик бўлмади. Гуруҳдошларимиз сўнгги йилларда футзалда катта натижаларга эришишмоқда. Ҳозирги кунда бутун дунё бўйлаб футзал ривожланмоқда. Панама Конкакаф минтақаси ғолиби. Тожикистон эса Осиё кубогида ажойиб ўйин намойиш этди. Марокаш - Африка минтақаси ғолиби. Барча рақибларимиз ўз қитъасида энг кучлилари.

- Португалия амалдаги мундиал ғолиб, бу сафарги терма жамоасининг Жаҳон чемпионатига мақсадлар қандай?

- Биз сўнгги баҳсга қадар шу ерда қолишни мақсад қилганмиз, лекин бу осон вазифа эмас. Барчасини қадам-бақадам бажарамиз, биринчи навбатда гуруҳдан чиқиб олишимиз керак. Ўйиндан ўйинга кучайиб боришни мақсад қилганмиз.

Абдулвосит Бектемиров суҳбатлашди

Эслатиб ўтамиз, Португалия футзал терма жамоаси мундиалдаги юришини 16 сентябрь куни Панамага қарши бошлайди. Учрашув соат 17:30да "Ҳумо Арена"да ўтказилади.