Португалия. Эронлик ҳужумчидан навбатдаги гол, "Порту" эса ғалабани сақлаб қола олмади
08 фев 2021 11:40
Новости

Португалия. Эронлик ҳужумчидан навбатдаги гол, "Порту" эса ғалабани сақлаб қола олмади

Кеча 18-туридан ўрин олган "Брага" - "Порту" учрашуви бўлиб ўтди.

Сержиу Оливейра пенальтидан ҳисобни очди, иккинчи тайм бошида эронлик Меҳди Тареми гол уриб фарқи иккитга оширди. Бироқ орадан кўп ўтмай Хесус Корона қизил карточка олиб "Порту"ни 10 киши бўлиб қолишига сабаб бўлди.

87-дақиқада Франсержио ҳисобни қисқартирди, ҳакам томонидан қўшиб берилган 5-дақиқада Гайтан гол уриб "Брага"ни мағлубиятдан қутқариб қолди - 2:2.

Ушбу ўйиндан кейин иккинчи ўриндаги "Порту" ҳисобида 40, учинчи ўриндаги "Брага" ҳисобида 37 очко бўлди.

Брага - Порту - 2:2 (0:1)
7 февраль. Брага. "Брага Мунисипаль" стадиони.
Бош ҳакам - Артур Диаш (Порту).
Голлар: Сержиу Оливейра, 36 - пенальти (0:1). Меҳди Тареми, 54 (0:2). Франсержио, 87 (1:2). Гайтан, 90+5 (2:2).
Четлатиш: Хесус Корона 60.